Popular Bible Verses from Deuteronomio 18

Share

Jan jumanacat cawquïris sacrificiot ninar nakhantayasa loktapjjamti wawanacamaru, janiraqui yatiri jakes tucupjjamti, janiraqui jutcan uca urunacat yatjjatañanacarusa uchasipjjamti, janiraqui laykanacasa tucupjjamti. Janiraqui c'arimpi lunthatirinacarus jisct'asipjjamti, ni yatir layka jakerusa, janiraqui ch'amacani ajayunacarus mayisipjjamti, ni jiwatanacan ajayunacaparus thakapjjamti.

Tatitu Diosamarusti, cawquïri jakenacatejj uqham lurapqui ucanacajj ajjtasiyapjjewa. Tatitu Diosasti jumanac nayräjjatjja take uca marcanacarojj jakonucuwa uqham ajjtascañ luräwinacanïpjjatap laycu.

Cuntejj profetajj parlcani Tatitu Diosan sutiparu, ucatsti janirac uca parlatapajj phokhascaniti, ucajj jumanacataquejj mä unanchawa, uca parlatapasti janiw Diosan arunacapäcaraquiti, jan ucasti uca profetajj jach'a jach'a tucusaquiw ucanacjja parlaraqui, ucat sipansa jumanacajj jan juparojj jaysapjjamti.

Jumanacasti Tatitu Diosampejj cheka chuymampipun sarnakapjjam.