Popular Bible Verses from 2 Reyes 2

Share

Maqhatasinsti Eliasajj Eliseorojj sänwa: —Sita, cuns munta juma laycu nayan lurañajja, janïra nayajj jumampi jaljtcasinjja —sasa. Ucjjarusti Eliseojj sänwa: —Nayajj muntwa juman ajayumata pä ucqhampi catokaña —sasa.

Jupanacajj parlasisa sarasipcäna ucqhasti, acatjamatwa mä nina naqhasquiri carrojj uñstanïna nina caballonacani, ucatsti jaljtayänwa, Eliasasti alajjpacharuw maqhatjjäna mä thaya tutucanjama.

Ucatsti Eliasajj sänwa: —Janiw juc'aqui mayctati. Ucajj churatäyätawa jumatejj uñjitäta nayajj jumat jaljtayatäcä ucqhajja, ucampis jan uñjquitäta ucqhasti janiw churatäcätati —sasa.

Ucjjarusti Eliasana capapa catusinjja umaruwa jisctäna, aqhama art'asina: “¿Cawquinquis Eliasan Tatit Diosapajja?” sasa. Ucatjja umaruw jisctäna umasti payaruw jaljtäna, ucatsti Eliseojj wastatampiw jawira maqhatäna.

Uqham uñjasinsti Eliseojj art'änwa: “¡Awquejja, awquejja, jumajj Israel marcataquejj mä wali ch'aman ejercitjamäyätawa! ” sasa. Uca pasatatsti Eliasarojj janiw mayampis uñjcjjänti. Ucatsti Eliseojj isipa catusinjja payaruw ch'iyjäna.

Ucatsti Eliasajj capapa llawt'asinjja, ucampiwa umaru jisctäna, ucatjja jawir umajja payaruwa jaljtäna, ucatsti panpachaniw jawirjja waña orakenjama maqhatapjjäna.

Cunapachatï horasajj purinjjäna Tatituna Eliasaru alajjpacharu apjjañapäna ucqhajja mä tutuca thaya toke, Eliasampi Eliseompejja Gilgal chekatwa mistsunjjapjjäna.