Popular Bible Verses from 2 Corintios 9

Share

Diosajj jumanacarojj take casta bendicionanacwa jilarquir churapjjeristamjja, uqhamat jumanacajj take cunampis phokt'atäpjjañamataqui, ucat take asqui luräwinacan yanapt'asipjjañamataqui.

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Jumanacasti acat amtasipjjaraquim: Juc'a yapuchasirejj, juc'aquiracwa achunacjja apthapini, walja yapuchasiristi, waljaraqui apthapini.

Qhititejj jatha churi yapuchañataqui, uqhamaraqui mank'a mank'asiñataqui uca Diosasti jumanacarojj take cunwa churapjjätam yapuchapjjañamataqui. Uca yapuchäwinacamsti jiltayaraquiniwa, ucatsti suma luräwinacamsti wali jach'a cosechäcaspas uqhamaracwa apthapiyapjjätamjja. Uqhamataracwa jumanacarojj take kamir cancañas utjapjjätamjja, mayninacarojj cusisiñampi yanapt'apjjañamataqui. Cuna ofrendtï nanacar jilatanacatac apayapquista ucatjja, jilatanacajj Diosaruw yuspagarapjjaraquinejja.

¡Yuspagaratäpan Diosajja! ¡Jiwasarojj mä jach'a churäwi churistojja, ucasti jan amuyt'cayawa!