Uqham k'ochcasinsti, uqhamarac thokcasinsa, warminacajj aqham sasaw sapjjäna:
“Saúl reyejj waranka jakenac jiwarayi;
Davidasti tunca waranka jakenaca jiwarayaraqui” sasa.
Uca arunacajj Saúl reyirojj wali colerayäna, ucat arsu:
“Davidajj tunca waranka jakenaca jiwarayi sapjjewa, nayasti waranka jakenaca jiwarayatajjaquiraqui. ¡Reyit utt'ayasjjapjjañapaquiw waquisjjejja!” sasaw Saúl reyejj saraquïna.
