Popular Bible Verses from 1 Reyes 18

Share

¡Ist'itaya Tata; ist'itaya aca jakenacana yatipjjañapataqui jumajj Diosätama, ucatsti jumajj jawsascaractawa aca jakenacana wastata jumar cutt'anjjapjjañapataqui” sasa!

Naqhantayas loktañ horasajja, Elías profetajj jac'achasisinjja art'änwa: “¡Tatay, Abrahamana, Isaacana, uqhamarac Israelan Diosapa: uñacht'ayasim jichhüruna jumajj Israelana Diosapätama, nayasti juman sirvirimätajjaraqui, uqhamarac take acanacjja lurctwa juman arumarjama!

Ucatsti Eliasajj take jakenacar jac'achasisajj sänwa; —¿Cunapachcamasa jumanacajja pä chuyma sarnakapjjätajja? Tatitutejj cheka Diosächi ucajja, jupar arcapjjam, jan ucajj Baal diosatï chekächi ucajja, juparuwa arcapjjañamajja —sasa. Jakenacasti janiw camsapcänsa.

Uca horasanwa Tatitun ninapajj sarakanïna, ucatsti nact'ayañatac loktäwirojja k'al naqhantäna, lawanacarusa, uqhamarac kalanacamppacha, lak'amppacha, uqhamarac k'awancqui uca umamppacha wañsuyäna.

Uqham uñjasinjja, take jakenacawa orakeru alt'asipjjäna p'eke parampi oraker puriyañcama, aqham sasa: “¡Tatituwa Diosajja, Tatituwa Diosajja!” sasa.

Pakallk cutinjja uywatajj sänwa: —¡Qhayajjaya, kotatjja mä jisc'a kenayawa mistusinqui, mä jakena ampar t'ajjllipar uñtata! —sasa. Ucatsti Eliasajj sänwa: —Saram, ucatsti Acab reyiru sanim: —‘Carropa chincatasisinjja mäqui sarjjpan janïra jallojj jumar jarc'akquipana’ —sasa.

Ucampis Eliasarojja Tatituw ch'am churäna, ucatsti isipampi isthapisisinjja, Jezreel chekacamawa jaläna, ucatsti Acab reyitsa nayrwa purïna.

Ucatsti Eliasajj Acab reyirojj sänwa: “Sarjjam mank'eri, umiri, jallun jutatapajja ist'asjjewa” sasa.

ucatsti uywataparojja sänwa: —Saram, uñtam kota tokeru —sasa. Jupasti sarasinjja uñtänwa, ucatjja saraquïnwa —Janiw cunas utjquiti —sasa. Ucampis Eliasajj sascaquïnwa: —Saram pakallk cuti —sasa.

Ucatsti Eliasajj take jakenacarojj sänwa: “Nayar jac'achasinipjjeta” sasa. Take jakenacawa jupar jac'achasinipjjäna, ucatsti jupajj Tatitun altarapa waquichañaruwa uchasïna, ucasti tucjatänwa.

Ucatjja jumanacajj diosanacamaruwa mayipjjäta, nayasti Tatituruw mayiraquëjja; ¡cawquïr diosatejj nina apayancani, ucawa chekpacha Diosänejja! —Take jakenacaw ucjjarojj sapjjäna: —¡Waliquiwa ucajja! —sasa.

Tunca payan kalanacwa aptanïna, ucsti luränwa Jacobon wawanacapa, tribunacajj kawkhäpcäntejj uqhamaru, qhitirutejj Tatitojj siscäna Israel sutinïñapataqui.

Chica uröjjäna ucqhasti, Eliasajj jupanacatjja sawcasïnwa, aqham sasa: “Jach'at art'apjjam, jupajj diosawa uca laycu. Inas cunanacs lup'iscchi, jan ucajj cuna lurañanacapwa lurascpacha, jan ucajj sarascaracchi. ¡Inas iquiscaracchi, ucatjja sartayaña waquischi!” sasa.

Uca kalanacampisti mä altarwa Tatitutaqui luräna; ucatsti mä k'awa luraraquïna altar muytpacharu, pä tunca litro trigo mantquiri