Popular Bible Verses from 1 Juan 2

Share

Jan acapachar munirïpjjamti, janirac acapachan yänacapsa. Cawquïritejj acapachar munasqui ucanjja, janïraw Dios Awquitac munasiñapajj utjquiti. Take cuntejj acapachajj churañatac uñacht'ayqui ucajja, janiw Dios Awquit jutquiti, jan ucasti acapachatwa juti. Janchin jan wali munañanacapa, cuntejj nayrajj uñjquis ucansa munañanaca, jach'a jach'a tucuñanaca, take ucanacwa acapachajj churañ muni.

Acapachajj tucusiriquiwa jan wali luräwinacapamppacha, ucampis cawquïritejj Diosan munañap lurqui ucajj wiñayataquiw jaqui.

Qhititejj: “Diosampiw jacascta” sasqui ucajja, cunjämatejj Jesucristojj jaccäna uca quicparaquiw jacañapa.

Munat wawanacajja, acanacwa kellkanipjjsma juch jan lurapjjañamataqui. Ucampis cawquïritejj juchañchasqui ucataquejj, utjistuwa mä arjjatirisa alajjpach Awquisan nayrakatapana, ucasti Jesucristowa, jupajj chekawa.

Ucampis cawquïritejj sanejja: “Nayajj uñt'twa” sasa, ucatsti janirac camachinacap imcaniti ucasti, c'ariwa. Jupanjj janiraquiw cheka arojj utjquiti.

Jiwasatejj Diosan camachinacaparu ist'asctanjja, uqhamanwa Diosar uñt'atasjja yattan.

Cawquïritejj: “Khananctwa” sasqui, ucatsti jilapar uñisiscaraqui ucajja ch'amacancasquiwa.

¿Qhitis c'arejja? Qhititejj Jesusar sejja: “Janiw Cristöquiti” sasa. Ucawa Criston uñisiripajja, Awquirus uqhamarac Yokarus jan uñt'iri tucutap laycu.

Take qhitinacatejj Yokarojj jan uñt'iri tucujja, Awquirojj jan uñt'iriw tucuraqui; ucampis cawquïritejj Yokaru catokqui ucajja, Awquirojj catokaraquiwa.