Popular Bible Verses from 1 Corintios 11

Share

Mank'a tucutatsti copa astasinjja saraquïnwa: “Aca copajj jichhajj machak arust'äwiwa nayan wilajjampi chimpuntatawa. Sapa cuti umapcäta ucqhajja, nayat amtasisaw lurapjjäta” sasa. Uqhamat sapa cuti jumanacajj aca t'ant'a mank'apcäta, uqhamarac aca copata umapcäta ucqhajja, Tatitun jiwatapwa yatiyasipctajja jupan jutañapcama.

Cuntejj nayajj yatichapcsma ucjja pachpa Tatitutwa nayajj catokta. Tatit Jesusajja, catuntatäñapäcän uca arumajj t'ant'wa irtäna, yuspagarasinsti, pachjänwa, ucat säna: “Mank'apjjam, acajj janchejjawa jumanac laycuraquiw t'unjata. Acsti nayat amtasis lurapjjam” sasa.

Ucatpï waquisejja janïra uca t'ant'a, uqhamarac uca copat umcasajja, sapa mayniw chuymap uñantasiñapa. Tatitun janchipätapa jan amuyasisina mank'ani, umaraquini ucajj jupa pachpa mutuñapataquiwa mank'asqui umascaraqui.

Uqhamajja, qhititejj Tatitun t'ant'apsa mank'quejja uqhamarac copapatsa umcaraquejja jan Diosatacjamäcasina ucajja, juchwa luri Tatitun janchipa uqhamarac wilap toke.

Jumanacajj nayjam sarnakapjjam cunjämatï nayajj Cristjam sarnakctjja uqhama.