Popular Bible Verses from Kîam 50

Share

Kinya këethîrwa buî nîka bwaanthithagîria ûthûûku, Mûrungu nîka aagarûrîre ûntû bûu bûraa bûbwega nîkenda bûtûma antû babaingî beethîrwa barî mwoyo ta ûu barî naarua.

Îndî Josefu arabeera atîrî, “Bûgaakîreeni nîûntû ntî, Mûrungu mbûtuîra îgamba!

Tontû bûû, bûgaakîreeni, ngeeta na mbere kûbûmenyeera amwe na twaana tweenu.” Araboomîîria nkoro na arababoreria.

‘Bwîre Josefu atîrî, “Ndakwerenca itû ûrekere ataana ba nyakwe maatia jaao na meeyia jaao nîûntû nî baakûthithîrie ûthûûku.” Tontû bûû, nandî twakwerenca itû, rekera nthûûmba cia Mûrungu wa Abaagu maatia jaao.’” Nabo rîrîa baarîîrie Josefu, ararîra.

Mûthieene Josefu nî eerîre ataana ba ng'ina atîrî, “Ndî akuî gûkua. Îndî gûtî nkaanja Mûrungu akaabwîjîra abûrite nthîgûrû îîjî, abwikie nthîgûrû îrîa eeranîîre na mûciîtio kîrî Abrahamu na Isaaka na Jakubu.”

Josefu nî aatûmîre antû ba Israeli bamûciîtîria, arabeera atîrî, “Rîrîa Mûrungu akeeja kûbûrita gûkû, bûkamate marûitû jaakwa kuuma gûkû.”

Josefu nî aakuîre arî na ûkûrû bwa mîaka îgana rîmwe rîa îkûmi (110). Naju mwîrî jwaawe nî jweekîîrwe mîtheega ya kûgiria jwoora jûreekwa îthandûkûûne kûu Misri.