Popular Bible Verses from LITSUSHITSWA 8

Share

Navutswa mwitsushitse Mwami Nyasaye, uli Nyasaye wenyu, shichila neye umuheetsanga tsingulu tsiu khunyola miandu, khurweshitsa lilakano lielie, lia yali ni yalaaka vakuuka venyu, khuli kakholekhanga nunundi.

Yakhola munyi khuva vichehitsi, lwa yamulerela inzala khandi namuha maana ku khulia, shiukhulia shia munyi inoho vakuuka venyu vali nivashili khumanyakhu; khumwechitsa ndi mundu shianyala khutsililila khuva mwoyo naliitsanga mukati kwonyene vutswa tawe; navutswa aliitsa khutsililila khuva mwoyo khulondokhana khu shia likhuva liu Mwami Nyasaye avoolanga.

Mwitsushitse khuli Mwami Nyasaye, yamwimilila khu luchendo lwenyu luraambi mu shiangalangwi khumihika makhomi kane chienecho, khumukhola khuva vandu vichehitsi khandi khumuchelitsa khumanya kali mu mioyo chienyu, kave muliitsa khulonda malako keke inoho khuvula khukalonda.

Khulwa yako, muvuli khwivoolera, ‘Tsingulu tsieru nende vunyali vwa khuli, navwo navio viachila nu khuva ni miandu.’

“Muve vacheli mulole ndi muliitsa khulekha khwivilila Mwami Nyasaye, uli Nyasaye wenyu. Muvuli khulekhakhu khulonda, khali lilala khu malako keke koosi ka muheetsanga nunundi.

Mwitsushitse ndi Mwami Nyasaye, uli Nyasaye wenyu, amuchelihitsanga khuli tata wu mwana achelihitsanga mwana wewe, lwa amurumulanga shivoko.

Muliitsa khulia numwikura, nu khwitsominya Mwami Nyasaye, uli Nyasaye wenyu; shichila wamuha shivala shilahi muno.

Khulwa yako, mulonde malako ku Mwami Nyasaye, amuvoolele mulonde; mwenyekhanga mumenye khulondokhana khuli malako keke kenyanga nu khumuha luyali.

Yamuha munyi maana ku khulia mu shiangalangwi, shiukhulia shia vakuuka venyu vali nivakhamanyakhu, khumukhola khuva vichehitsi nu khumuchelihitsa khu mumenye limenya lilahi.

Lwa muliitsa khuva numunyoli shiukhulia shia mulia, khandi mumbashi tsinzu tsindahi tsiu khumenyamu; khandi lwa tsing'ombe tsienyu nende makondi kenyu, ifetsa nende itsahabu yenyu, nende miandu chienyu chiosi, viliitsa khuva niviakhava vinyishi, nalwo lwa muliitsa khulekha khwichinjilila, khwivilila Mwami Nyasaye, uli Nyasaye wenyu, wamurulitsa mu shivala shia Misri, wa mwamenyanga mu vurukwa.

Mwami Nyasaye, uli Nyasaye wenyu, amuleranga mu shivala shi lilova linuulu -- shivala shi michela nende tsisieveye, khandi matsi ki michela hasi mu malova katsukhanga mu tsihoongo nende mu vikulu; shivala shiamanga inganu nende ishayiri, matunda ku musabibu, makhuyu, pomenguraneti, matunda ku musayituni, nende vushi; shivala shia muliitsa khuliamu shiukhulia shinyishi, vuchila inzala yosi; shivala shia machina nende vivia vilimu, khandi munyala khulima ifetsa khurula mu vikulu viashio.

“Muve vacheli mulole mulondi malako koosi, kamwechitsi nunundi, khu muve mwoyo, mwivulane muve vanyishi, khandi mumenye mu shivala, shiu Mwami Nyasaye yalaaka aliitsa khuha vakuuka venyu khumatukhu manyishi.

Mumatukhu ki mihika makhomi kane chienecho, tsinguvu tsienyu tsiali nitsishili khurandukha inoho khuvimba vilenje vienyu.

Yamwimilila khukhalakanyila mu shiangalangwi shiavambalala khandi shiu khurishitsa mwa khwali ni tsinzukha tsiu vutsiva nende tsinge. Yachila matsi nikarula khu lwanda.