Popular Bible Verses from LITSUSHITSWA 30

Share

Muheetsanga nunundi vindu vivili via murovolakhu, hakari wu vulamu nende likhutsa, hakari wu khukasitswa na Nyasaye nende shilaamo shia Nyasaye. Nzisuuhanga khu likulu nende lilova khuva khuli vashiahidi vaanje, vu khulola shia munyi vene murovole. Murovole vulamu, khu munyi halala na vitsukhulu venyu, mutsililile khuva mwoyo. Muyaanze Mwami Nyasaye, uli Nyasaye wenyu, mulonde malako keke nu khuva vasuuvilwa khuye, ma munyi halala na vitsukhulu venyu mutsililile khuva mwoyo khumatukhu manyishi mu shivala, shia yali niyalaaka aliitsa khuha vakuuka venyu, Aburahamu, Isaka, nende Yakobo.”

Niiva mulalonda malako ku Mwami Nyasaye, uli Nyasaye wenyu, ka muheetsanga nunundi, niiva mwamuyaanza, mumuhulile, nu khutsililila khulonda malako keke. Muliitsa khuva vandu vahinda khandi mwivulane khuva vandu vanyishi. Mwami Nyasaye, uli Nyasaye wenyu, aliitsa khumukasitsa mu shivala, shia muli himbi khutsia khumenyamu.

“Muheetsanga nunundi shindu shia murovolakhu, hakari wu khukhola kali malahi nende vutamanu, hakari wu vulamu nende likhutsa.

Shikaliitsa khwikholekha kario tawe; shichila likhuva lienelo, lili hanu na munyi; mwalimanya khandi lili mu mwoyo kwenyu, mulilonde.

Mwami Nyasaye aliitsa khuchila munyi, halala na vitsukhulu venyu muve nu mwoyo ku khuhulila, mumuyaanze nu mwoyo kwosi khandi ni liiva lienyu liosi, nu khutsililila khuva mwoyo.

Mwami Nyasaye aliitsa khumukhola khuva vahinda, mu muhinzilu kwa mukholanga kwosi; muliitsa khwivula vaana vanyishi, khandi muve ni miruku minyishi. Muliitsa khuchesa viraakwa vinyishi khurula mu milimi chienyu. Aliitsa khusangala nu vuyaanzi muno, khulola ndi munyi muli vahinda khuli yenyanga vakuuka venyu vave vahinda

Navutswa niiva muliitsa khwambakhana khukalonda, khandi muvuli khuhulishitsa, nu khusaala nu khurumishila vanyasaye vandi, muchelihitsanga nunundi ndi muliitsa khwiirwa. Muliitsa khuvula khumenya khumatukhu manyishi mu shivala shili injelekha wu Muchela kwa Yorodani, shia muli himbi khutsia khwinjila mumenyamu.

“Likhuva lia muvoolelanga munyi nunundi shilinyala khumutinyila, inoho khumuvira ni tsingulu tawe.

Shilili ikulu mwikulu tawe. Muvuli khureeva, ‘Ni viina unyala khutsia mwikulu khulilera hasi hanu, khu khulihulile nu khulilonda?’

Inoho shilili khuluveka lundi lwi inyanza yolo tawe. Muvuli khureeva, ‘Ni viina unyala khwambukha inyanza khutsia khukhulerela hanu, khu khulihulile nu khulilonda?’