Popular Bible Verses from LITSUSHITSWA 28

Share

“Niiva muliitsa khuhulishitsa Mwami Nyasaye, uli Nyasaye wenyu, khandi mutsililile khulonda nu mwoyo kwosi malako keke koosi ka muheetsanga nunundi, aliitsa khumukhola khuva ni tsingulu tsinyishi, khuvira vandu vi tsimbia tsindi tsiosi mu shivala.

Tsikhaavi yitsi tsiosi tsiliitsa khuva tsienyu, niiva muliitsa khutsililila khulonda malako ku Mwami Nyasaye, uli Nyasaye wenyu

Mwami Nyasaye, uli Nyasaye wenyu aliitsa khumukhola khuva vu khuraanga vi tsingulu; navutswa shiumuliitsa khuva vukhumalilikha tawe. Muliitsa khuva vahinda shia khase khosi, khandi shiumuliitsa khukwa niiva mulalonda nu mwoyo kwosi malako keke koosi kamuheetsanga nunundi tawe.

Mwami Nyasaye aliitsa khumwikulila livishilu liu vuhinda vwevwe mwikulu, nu khumurumila imbula khukhuva mumatukhu katushili, khandi amukasitse mu muhinzilu kwa mukholanga kwosi. Muliitsa khutuuchila vandu vi tsimbia tsinyishi, navutswa munyi shiumuliitsa khusava shindu shiosi tawe.

“Mwami Nyasaye aliitsa khumukuurila vatsiku venyu. Valiitsa khumukwana khuluveka lulala, nu khwilushila mu tsimbeka tsiosi.

“Mwami Nyasaye aliitsa khukasitsa muhinzilu kwa mukholanga nu khwitsulitsa imu mu viachi vienyu. Aliitsa khumukasitsa mu shivala shia amuheetsanga.

“Muliitsa khukasitswa mu shia shindu shiosi, shia mukholanga.

“Muliitsa khukasitswa, numuli mu litaala halala ni milimi chienyu.

“Muliitsa khukasitswa nu lwivulu lunyishi lwa vaana venyu, viraakwa mu milimi chienyu, miruku minyishi, vive ni tsing'ombe inoho makondi.

“Niiva muliitsa khulonda malako ku Mwami Nyasaye, uli Nyasaye wenyu, khandi mukhole shia shindu shiosi shia yenyanga, aliitsa khumukhola khuva vandu veve mwene, khuli yali niyalaaka.

“Muliitsa khukasitswa mu viraakwa vi imu yenyu nende shiukhulia shia mulombanga khurula khuyo.

Mwami Nyasaye aliitsa khuchila mwivulane mu vunyishi, muve ni tsing'ombe tsinyishi khandi viraakwa vinyishi mu shivala, shia yali niyalaaka aliitsa khuha vakuuka venyu.

Nalwo lwa vandu voosi mu shivala, valiitsa khulola ndi Mwami Nyasaye wamurovola mwene khuva vandu veve; khandi valiitsa khumuria.

Navutswa muvuli khwambakhana khukalonda muliiva lia mulimu liosi inoho khusaala nu khurumishila vanyasaye vandi.

“Navutswa niiva muliitsa khwambakhana khulonda malako ku Mwami Nyasaye, uli Nyasaye wenyu khandi muvuli khutsililila khulonda nu mwoyo kwosi makhuva keke nende mivaalo keke kamuheetsanga nunundi, vilaamo yivi viosi viliitsa khumukwila