Popular Bible Verses from LITSUSHITSWA 10

Share

“Khulwa yako, munyi Vaisraeli, muhulishitsi shia Nyasaye yenyanga mukhole, ‘Musaale khu Mwami Nyasaye khandi mukhole koosi ka yenyanga mukhole. Mumuyaanze, ma mumurumishile nu mwoyo kwosi, khandi mulonde malako keke koosi.’ Muheetsanga malako nende mechitso yaka nunundi khu kamukhonye.

Mwami Nyasaye, uli Nyasaye wenyu ali ni tsingulu khuvira vanyasaye vandi voosi nende vami vandi voosi. Ali ni tsingulu, vunyali khandi utushili khuheelwa luyali. Shianyala khwihonela mundu inoho khuheelwa asoya tawe.

Khulwa yako, khuraanjila nunundi mulonde malako ku Mwami Nyasaye, ma muvuli khuva vahaaka.

Akholelanga vavisandu nende vakhutsakhali katoto; khandi wayaanza vandu vi tsimbia tsindi, khuvaha shiukhulia nende tsinguvu.

Neye wamwitsominya; ni Nyasaye wenyu, umukholele vindu viu khuchenyinya khandi viu khurishitsa, via muloli ni tsimoni tsienyu.

Muhe Mwami Nyasaye, uli Nyasaye wenyu luyali; nu khusaala khuye wonyene vutswa. Muve vasuuvilwa khuye, khandi mwisuuhi khuvirila khu lira lielie lionyene vutswa.

Khali niiva likulu ni liu Mwami Nyasaye, lilova ni lielie nende vindu viosi vili mulio

Muliitsa khuyaanza khandi vandu vacheni venavo, shichila khali munyi vene mwamenyanga khuli vacheni mu shivala shia Misri.