Popular Bible Verses from AROMA 13

Share

No rĩrĩ, wĩhumbei Mwathani Jesu Kristo, na mũtigatũũre mũhaaragĩria ũhoro wa mwĩrĩ, nĩguo mũhũnagie merirĩria maguo.

Mũtikanaikare mwĩ na thirĩ na mũndũ o na ũrĩkũ, tiga o mwendanage; nĩ ũndũ mũndũ ũkĩendete ũrĩa ũngĩ nĩahingĩtie watho.

O mũndũ o wothe nĩaiguage arĩa matuĩtwo aathani; nĩ ũndũ hinya wa gwathana gũtirĩ tiga ũrĩa ũheanĩtwo nĩ Ngai, nao aathani arĩa me ho nĩ Ngai ũmatuĩte a gwathana.

Ũtukũ nĩ ta ũthirĩte, naguo mũthenya nĩũkiriĩ gũkinya: nĩtũgĩteaniei maũndũ marĩa mekagwo nduma-inĩ, twĩohe indo-cia-ita iria cia ũtheri.

Wendani-rĩ, ndũngĩreka ũrĩa wĩ naguo eke mũndũ ũrĩa ũngĩ ũũru: na tondũ ũcio kwendana nĩkuo kũhingia kwa watho.

Atĩrĩrĩi, rutagĩrai andũ othe o kĩrĩa maagĩrĩirũo nĩ kũrutĩrũo: arĩa a kũrutĩrũo igoti, marutagĩrei; arĩa a kũhotherũo, mahothagĩrei; arĩa a gwĩtigĩrũo, metigagĩrei; nao arĩa a gwĩkĩrĩrũo, mekagĩrĩrei.