Popular Bible Verses from KŨGUŨRĨRIO 3

Share

Atĩrĩrĩ, nũngiĩ mũrango-inĩ ngĩũringaringa, mũndũ aaigua mũgambo wakwa na aahingũra mũrango, nĩngũtonya harĩ we, ndĩanĩre irio nake, nake arĩanĩre na niĩ.

Nĩnjũĩ ciĩko ciaku, ngamenya ndũrĩ heho na ndũrĩ mwaki. Kaba ũgĩe heho kana ũgĩe mwaki! No tondũ ũkĩrĩ mũraru, ũkaaga kũhiũha na ũkaaga kũhora-rĩ, ngũgũtua thĩ ũthire kanua gakwa.

O arĩa othe nyenda, nĩndĩmarũithagia na ngamaherithia; tondũ ũcio no kĩgĩe na kĩyo, wĩrire.

Nĩnjũĩ ciĩko ciaku. Atĩrĩrĩ, nĩnjĩkĩrĩte mũrango mũhingũre mbere yaku, ũtarĩ ũngĩhota kũũhinga; nĩnjũĩ wĩ na hinya hanini, na nĩũtũire ũmenyereire uuge wakwa, na ndũigana gũkaana rĩĩtwa rĩakwa.

Ũrĩa wa gũtorania-rĩ, we nĩngamwĩtĩkĩria aikarĩre gĩtĩ gĩakwa gĩa ũthamaki hamwe na niĩ, o ta ũrĩa niĩ na niĩ ndatoranirie, na ngĩikaranĩra hamwe na Awa gĩtĩ gĩake gĩa ũthamaki.

Tondũ uugaga atĩrĩ, Niĩ ndĩ gĩtonga, ngagĩa na indo, na ndirĩ kĩndũ njagĩte; na ndũũĩ atĩ wee nĩwe mũthĩnĩki, na wĩ mũmocu na wĩ mũkĩa na wĩ mũtumumu na wĩ njaga

Tondũ wee nĩũtũire ũmenyereire uuge ũrĩa wakwa wa ũkirĩrĩria-rĩ, niĩ na niĩ nĩngagũikaria ihinda rĩrĩa rĩa kũgerio, rĩrĩa rĩgoka mabũrũri mothe rĩgerie arĩa matũire gũkũ thĩ.

Nĩngũũka o narua; gwatagĩria maũndũ marĩa wĩ namo, mũndũ o na ũrĩkũ ndakanae gũthiĩ na thũmbĩ yaku.

Arahũka, ũrũmie maũndũ marĩa matigaire, marĩa marenda gũkua, amu ciĩko ciaku gũtirĩ nyonete ii nginyanĩru harĩ Ngai wakwa.