Popular Bible Verses from MATHAYO 27

Share

Na ta thaa kenda Jesu akĩgũũthũka na mũgambo mũnene akiuga atĩrĩ, Elii, Elii, lama sabakithani? Naguo ũguo nĩ ta kuuga atĩrĩ, Ngai wakwa, Ngai wakwa, ũndiganĩirie nĩkĩ?

Na atĩrĩ, gĩtama kĩrĩa kĩa hekarũ gĩgĩatũkana njatũ igĩrĩ, gwata igũrũ nginya thĩ; nayo thĩ ĩgĩthingitha; nacio ndwaro cia mahiga igĩatũka; nacio mbĩrĩra ikĩhingũka; na ciimba nyingĩ cia andũ aamũre arĩa maakomete ikĩriũkio

Nake Jesu aagũũthũka rĩngĩ na mũgambo mũnene, agĩtuĩkana.

Nake mũnene ũrĩa wa athigari igana na andũ arĩa maarĩ nake makĩĩrorera Jesu, rĩrĩa monire gĩthingithia kĩu gĩa thĩ na maũndũ marĩa mekĩkire, magĩkĩmaka mũno makiuga, Kaĩ ti-itherũ, ũyũ oima Mũrũ wa Ngai-ĩ!

Na rĩrĩ, kuuma thaa thita nginya thaa kenda bũrũri wothe ũkĩgĩa nduma.

Nake Pilato akĩmoria atĩrĩ, Nake Jesu ũrĩa wĩtagwo Kristo-rĩ, ngũkĩmwĩka atĩa? Nao othe makiuga, Nĩaambwo mũtĩ igũrũ! Nake akĩmoria, Nĩkĩ, kaĩ ekĩte ũũru ũrĩkũ? Nao makĩrũmanĩria kũgũũthũka, makiugaga, Nĩaambwo mũtĩ igũrũ!