Popular Bible Verses from JAKUBU 5

Share

Hakĩrĩ ũguo-rĩ, umbũranagĩrai mehia manyu o mũndũ na ũrĩa ũngĩ, na mũhoyanagĩre, nĩ getha mũhonagio. Rĩu-rĩ, ihoya rĩa mũndũ mũthingu, rĩkĩruta wĩra warĩo, nĩrĩtũmaga maũndũ manene mekĩke.

Nĩharĩ mũndũ thĩinĩ wanyu wonete ũũru? Ũcio nĩahoe. Nĩharĩ wonete wega? Nĩaine nyĩmbo.

Nao maahoya metĩkĩtie, ihoya rĩu nĩrĩgatũma mũndũ ũcio mũrũaru ahonoke; nake Mwathani nĩakamũũkĩria; o na angĩkorũo nĩehĩtie, nĩakoherũo mehia macio make.

Nĩharĩ thĩinĩ wanyu mũndũ ũrũarĩte? Ũcio nĩete athuri a kanitha; nao nĩmamũhoere, makĩmũhakaga maguta rĩĩtwa-inĩ rĩa Mwathani.

menyai atĩ ũcio ũgarũrĩte mwĩhia atigane na njĩra yake ya kũhĩtia, nĩ kũhonokia akahonokia roho wa mũndũ ũcio ndakae gũkua, na ahumbĩre mehia maingĩ.