Popular Bible Verses from AHIBIRANIA 9

Share

ũguo no taguo Kristo nake, tondũ nĩarĩkĩtie kũrutwo arĩ wa igongona ihinda rĩmwe, nĩ getha akuue mehia ma andũ aingĩ, nĩagacoka kuoneka ihinda rĩa kerĩ, gũtarĩ na mehia, nĩguo akahonokie andũ arĩa mamwetagĩrĩra.

githĩ thakame ya Kristo, o we werutĩire Ngai, atarĩ na kaũũgũ, na ũndũ wa Roho ũrĩa ũtũũraga tene na tene-rĩ, ndĩngĩkĩria mũno kũmũtheria thamiri cianyu nĩguo mũtigane na ciĩko iria irehage gĩkuũ, na mũtungatagĩre Ngai ũrĩa wĩ muoyo?

Na ta ũrĩa gũtuĩtwo atĩ andũ makue gĩkuũ o kĩmwe, na thutha ũcio matuĩrũo cira-rĩ

O na atĩrĩrĩ, kũringana na watho, hakuhĩ indo ciothe itheragio na thakame, na gũtaitĩtwo thakame-rĩ, gũtingĩrekanĩrũo mehia.

Na tondũ ũcio nĩwe mũiguithania wa kĩrĩkanĩro kĩngĩ kĩerũ, nĩ getha arĩa metĩtwo makagaĩrũo igai rĩtagathira, o rĩrĩa merĩirũo, kuona atĩ nĩharĩ na gĩkuũ gĩkuĩtwo kĩrĩa kĩmakũũrĩte mahĩtia-inĩ marĩa maahĩtirie hingo ya kĩrĩkanĩro kĩrĩa kĩa mbere.