Popular Bible Verses from GŨCOKERITHIA MAATHANI 30

Share

Nĩndeta igũrũ, na thĩ, gũtuĩke aira harĩ inyuĩ ũmũthĩ, a atĩ nĩndaiga o mbere yaku ũhoro wa gũtũũra muoyo, o na wa gĩkuũ; na wa kĩrathĩino, o na wa kĩrumi tondũ ũcio thura muoyo, nĩ getha ũtũũre muoyo, wee mwene, o na njiaro ciaku, wendage Jehova Ngai waku, na wathĩkagĩre uuge wake, na wĩgwatanagie nake nĩ gũkorũo nĩwe muoyo waku, na nĩwe ũingĩhagia matukũ maku; nĩ getha ũtũũre bũrũri ũcio Jehova erĩire maithe maku, Iburahimu, na Isaaka, na Jakubu, na mwĩhĩtwa atĩ nĩakamahe.

nĩ ũndũ wa ũrĩa ngũgwatha ũmũthĩ atĩ wendage Jehova Ngai waku, na ũthiage na njĩra ciake, na ũmenyagĩrĩre maathani make, na irĩra cia watho wake wa kũrũmĩrĩrũo, o na matuĩro make ma cira, nĩ getha ũtũũre muoyo, o na ũingĩhe, nĩguo Jehova Ngai waku akũrathime wĩ kũu bũrũri ũcio ũgũthiĩ kwĩgwatĩra ũtuĩke waku.

Atĩrĩrĩ, ta rora wone atĩ ũmũthĩ ndakũigĩra mbere yaku ũhoro wa gũtũũra muoyo, na maũndũ mega, na ndakũigĩra gĩkuũ, o na ũũru

No rĩrĩ, uuge ũcio wĩ hakuhĩ nawe, o kanua-inĩ gaku, na ngoro-inĩ yaku, nĩ getha ũwĩkage.

Ningĩ Jehova Ngai waku akũruithie ngoro, o na ngoro cia rũciaro rũaku, nĩ getha wendage Jehova Ngai waku na ngoro yaku yothe, o na muoyo waku wothe, nĩguo ũtũũre muoyo.

Nake Jehova Ngai waku nĩagagũtongia, akũgune mawĩra-inĩ mothe marĩa ũkaruta na moko maku, o na ũciari-inĩ wa ciana, na rũciaro-inĩ rũa ũhiũ waku, o na maciaro-inĩ ma thĩ yaku; nĩ gũkerũo Jehova nĩagacoka gũgũkenera akũgune, o ta ũrĩa aatũire akenagĩra mathoguo

No rĩrĩ, ngoro yaku ĩngĩmũhutatĩra wage kũmũigua, no ũgucio na njĩra ĩngĩ, ũgaturagĩrie ngai ingĩ ndu, ũcitungatĩre rĩ, nĩngũkwĩra ũmũthĩ na ma, atĩ mũtirĩ hingo mũtakaninwo; namo matukũ manyu matikaingĩha thĩinĩ wa bũrũri ũcio, o kũu ũkũringa Jorodani ũgakwĩgwatĩre gũtuĩke gwaku.

Tondũ-rĩ, rĩathani rĩrĩ ngũgwatha ũmũthĩ, rĩtikũgĩtĩire hinya, kana rĩgakũraihĩrĩria.

Rĩtirĩ igũrũ matu-inĩ marĩa mairũ, atĩ hihi nĩguo uuge atĩrĩ, Nũ ũgũtwambatĩra matu-inĩ arĩgĩre atũrehere, na atũiguithie ũhoro warĩo nĩguo tũrĩĩkage?

Ningĩ rĩtirĩ mbarĩ ĩrĩa ĩngĩ ya iria, nĩ getha hihi uuge atĩrĩ, Nũ ũgũtũringĩra iria, arĩgĩre atũrehere, na atũiguithie ũhoro warĩo nĩguo tũrĩĩkage?