Popular Bible Verses from GŨCOKERITHIA MAATHANI 28

Share

Na nĩgũgakinya atĩrĩ, atĩ ũngĩkaigua uuge wa Jehova Ngai waku na kĩyo, nĩguo ũmenyerere maathani make mothe marĩa ngũgwatha ũmũthĩ wĩkage-rĩ, Jehova Ngai waku nĩagagũtũũgĩria mũno ũnenehe gũkĩra ndũrĩrĩ iria ingĩ ciothe cia thĩ

ti-itherũ ũngĩkaigua uuge wa Jehova Ngai waku, nĩũgakinyĩrĩrũo nĩ irathimo ici ciothe.

Nake Jehova nĩagagũtua o ta wĩ mũtwe, na ndagũtue ta wĩ gĩthita; nawe ũgaikara ũkĩrĩte andũ arĩa angĩ, no wee ndũgakĩrũo nĩo, ũngĩkorũo nĩũgatũũra ũiguĩte maathani ma Jehova Ngai waku, marĩa ndĩragwatha ũmũthĩ, ũmamenyagĩrĩre na ũmekage

Jehova nĩagakũhingũrĩra kũndũ kũrĩa mũthithũ wake mwega ũigĩtwo, naguo ũguo nĩ ta kuuga igũrũ matu-inĩ, nĩ getha rĩkuuragĩrie mbura ĩrĩa bũrũri waku ũbatairio nĩyo ihinda rĩayo rĩakinya, na arathime mawĩra mothe marĩa marutagwo na moko maku; nawe nĩũkohoragĩra ndũrĩrĩ nyingĩ indo, no rĩrĩ, wee mwene ndũkohora harĩ cio.

Jehova nĩwe ũgatũma thũ ciaku iria igagũũkĩrĩra ihũrĩrũo mbere yaku; igoka na njĩra o ro ĩmwe nĩguo igũũkĩrĩre; no rĩrĩ, ikagera njĩra mũgwanja igĩkũũrĩra.

Jehova nĩagatũma kĩrathimo gĩake gĩgũkinyĩrĩre gĩkoniĩ makũmbĩ maku, o na maũndũ-inĩ mothe marĩa ugakoragwo ũgĩĩka na moko maku, na akũrathime ũrĩ bũrũri ũcio Jehova Ngai waku akũheaga.

Ningĩ ũrathimwo rĩinũkĩro-inĩ rĩa gwaku mũciĩ, o na riumagarĩro-inĩ.

Ũrathimwo maũndũ-inĩ ma itũũra rĩanyu, na ũrathĩinwo maũndũ-inĩ ma mĩgũnda yaku.

Ũrathanwo ũciari-inĩ wa ciana, na ũhoro-inĩ wa mĩgũnda yaku, na wa rũciaro rũa nyamũ ciaku, njaũ cia ng’ombe ciaku, na tũũri twa ndũru ciaku cia mbũri.

Jehova nĩagagũtua rũrĩrĩ rũtheru rũamũrĩirũo we mwene na ma o ma, o ta ũrĩa aakwĩrire na mwĩhĩtwa atĩ nĩageka, ũngĩgatũũra ũmenyereire maathani ma Jehova Ngai waku, na ũthiage na njĩra ciake.

Ũrathimwo ũhoro-inĩ wa ciondo ciaku cia magetha, na wa ndĩrĩ ciaku iria imandagĩrũo mũtu.

O na ningĩ-rĩ, Jehova nĩagagũtongia akũgune ũciari-inĩ wa ciana, o na rũciaro-inĩ rũa nyamũ ciaku, na maciaro-inĩ ma mĩgũnda ya bũrũri waku, o bũrũri ũcio Jehova erĩire mathoguo na mwĩhĩtwa atĩ nĩagakũhe.

Nacio ndũrĩrĩ ciothe cia thĩ nĩikona atĩ wĩtanĩtio na Jehova; nacio nĩigagwĩtigagĩra.

na ndũkanagarũrũke na mwena wa ũrĩo, kana wa ũmotho, ũtige kũrũmĩrĩra kiugo o na kĩrĩkũ kĩa maũndũ marĩa ngũgwatha ũmũthĩ, atĩ nĩguo ũrũmagĩrĩre ngai ingĩ, ũcitungatĩre.

No nĩgũgakinya atĩrĩ, atĩ ũngĩkaaga kũigua uuge wa Jehova Ngai waku, ũmenyagĩrĩre gwĩka maathani make mothe, o na irĩra cia watho wake wa kũrũmĩrĩrũo, marĩa ndĩragwatha ũmũthĩ, irumi ici ciothe nĩigagũcokerera, ĩkũgwate.