Popular Bible Verses from 1 AKORINTHO 6

Share

Kana hihi mũtikũmenya atĩ mĩĩrĩ yanyu nĩ hekarũ ya Roho Mũtheru ũrĩa ũikaraga thĩinĩ wanyu, ũrĩa mwaheirũo nĩ Ngai? Inyuĩ-rĩ, mwene inyuĩ ti inyuĩ, nĩ ũndũ nĩ kũgũrũo mwagũrirũo, mũgĩkĩrutĩrũo kĩndũ kĩĩ goro; tondũ ũcio-rĩ, maũndũ ma mĩĩrĩ yanyu, goocithagiai Ngai namo.

Kana hihi mũtiũĩ atĩ andũ arĩa mekaga ũũru gũtirĩ ũngĩgaya ũthamaki wa Ngai? Menyai mũkanaheneka: ahũrimaraya-rĩ, kana ahoi-mĩhianano, kana itharia, kana arĩa metuaga ta aka, kana arũme arĩa magwataga arũme arĩa angĩ-rĩ, kana aici, kana andũ a riitho iraya, kana arĩa arĩu, kana arumani, o na kana ahahanyi-rĩ, acio othe gũtirĩ ũkagaya ũthamaki wa Ngai.

Ũragĩrai ũmaraya. Rĩĩhia rĩngĩ o rĩothe rĩrĩa mũndũ ehagia, kĩhumo kĩarĩo kĩĩ na nja ya mwĩrĩ; no rĩrĩ, mũndũ wa kũhũra maraya, nĩ mwĩrĩ wake mwene ekwĩhia.

Niĩ-rĩ, kũhingwo ndirĩ ũndũ ’hingĩirũo; no rĩrĩ, ti maũndũ mothe marĩ ũguno. Kũhingwo ndirĩ ũndũ ’hingĩirũo; no ndingĩĩtĩkĩra nduĩke wa gwathagwo nĩ ũndũ o na ũrĩkũ.

Na Ngai nĩaariũkirie Mwathani, na ithuĩ o na ithuĩ nĩ gũtũriũkia agatũriũkia na ũhoti wake.