Popular Bible Verses from อิซราเอล ญาย 4

Share

เยโฮวา ก็ ไล โมเซด คือเน วัล “ก็ ซัง อีเอ แอง งกาบ ครำ บ็อห ‍ อีเอ แอง ครำ ไบ ครำ เกลิบ นโทล ‍ อีเอ แอง ระ ครำ บอด มัด ‍ อีเอ แอง ระ ครำ ตาด มัด บ็อห ‍ ก็ เอิญ แอง ไอ แมน เออะ ‍ เอิญ เป็น เอาซาง ดุห ‍ มัห เริล อียิบ นทึห เตาะ ‍ เอิญ จวย มัห จ็อก ฮัก ‍ มัห ไล อัห จังนัก ‍ เอิญ ก็ ไล อน ตัก มัห ฮัก” เยโฮวา อัง

ทาเน โมเซด ก็ ซวัล เยโฮวา คือเน “งกีจ็อง เฮย ‍ เอิญ จ็อก ไอ มี เก็ง เจ็น อิง จำ มานะ เน ‍ มัห จ็อก เคิบ เอิญ เน ก็ ไอ มี แควน เล็ห ซัก มี ติด ‍ เอิญ ควะ จ็อก เกิ๊กๆ อุ มอก เครม” โมเซด อัง

โมเซด ไอ มี ซีรอก เริล ‍ เยโฮวา ก็ แร็ง อ็อด อัง นำ ‍ นำ ก็ ไล โมเซด ฮุนเน วัล “นไจ มัห ตัก อาโรน ตัก เป็น กรอก เลวี นัน ‍ เอิญ ก็ เม็จ นำ จ็อก เก็ง ดุห ‍ มานะ เน นำ กำลัง โตะ และ มัห ‍ กัน นำ เม็จ มัด มัห ‍ นำ ก็ เลาะใจ ซีเละ ‍