Popular Bible Verses from AFiripoio 4

Share

Ka oni ídi nga fu pai si fudi roni wa sa ya; ono oni yúgu gaoni sanahe fu Mbori dunduko rogo kpe na zungaditise ni tambuahe.

Na gu zereda nga ga Mbori nagasi rugatinapai dunduko, si abánda kpotoroni yo na gaoni berã rogo Kristo Yesu yo.

Yangara ha tie, awirina, agu apai du ni rengo, agu apai rengbe na irisa, agu apai du ni ruru he, agu apai du ni wene sino, agu apai nangba bangirise, agu apai i naya ti ni si ngba; ka ngia ziazia pai dũ ho, ka ngia he ho rengbe i fu tambuahe ti ni, oni bérẽ pa agi apai re.

Mi rengbe na manga apai dunduko rogo gu ko nanyakasa re.

Oni ngí rogo Gbia yo dedede: mi agumba ha berewe, Oni ngí.

Gi Mbori ahisa gaoni zingohe dunduko ku sangba gako kumuko yo du rogo taarimo rogo Kristo Yesu yo.

Agu apai oni ata ina ha nidi he nigi he ki nibi he rogo re yo, oni mángi agi apai re. Mbori zereda ki du na oni.

Aboro ini roni dunduko ni bayee aboro. Gbia nambeda.

Mi ini pa umbasiti, mi ini pa kumuko, rogo apai ni ba sa sa na rogo apai dú, mi ini gu pai nga mbi na ra na gomoro a, nga kumuko na zanga he a.

Si adu nga wa mi nagumba pa zingohe te, bambiko mi aima ina pa sunga zezeredi rogo gu pai dũ mi rogo ho.