Popular Bible Verses from Marako 9

Share

Yesu ki ya fu ko, “Ya mo, si ngia ka mo mangi he! Gu ni ka idi pase tandu apai ti ni dũ.”

Ba gude ki poi ku ari ni ba sa, ki ya, “Mi idi pase, mo únda re wa mi aida nga pase ya!”

Ho Yesu aye ni ku dimoyo, gako abawiriki ki sana ko ni rondo, ki ya, “Tipagine ka ani akusa nga ru ti ni ya?” Ko ki ya fu yo, “Ngbatunga gi ru re ka u gúari nga be he te, kina kpe.”

Ngba tikpo angba; ono ka tikpo ahia nga ya, oni hihisi he ni gine? Tikpo dú kpotoroni yo, oni dú zezeredi dagba roni.”

“Gu ni ka di gude ku gume dagba toni agude yo sa wa gi ko re, ni rimore, ni ka di re ku gume; gu ni ka di re ku gume si wa ni adia nga re ku gume te; ni di gu ko ku gume nakedi re.”

Bambiko gu ni ka fu inga na ime fu roni oni mbiri he bambiko oni nga ga Kristo yo, ya mi fu roni ni rengo, ni ingisi nga gani mosoro te.

“Gu ni ka manga gu ni sa dagba gi rukutu yo re idi pa re, ni koto, si ka ngba tipa ni i vo kikii mbia sa ahe kuti gorõni ki ba ni ku baime yo.

Si ngia bangiro ka mangi ro a mo koto, mo ki mo ho amo; rima mo ku rogo ga Mbori ngbi yo na bangiro sa, si ka ngba tipa ro ti ba yo ro ku Geyena yo na bangiro ue.