Popular Bible Verses from Matayo 7

Share

“Oni sána he tipa he, i ki fu he fu roni; oni gbáta ha, oni ki bi he abi; oni ngóka ngbadimo, i ki uru he fu roni.

Bambiko gu ni nasana he tipa he ni adia ha adia; gu ni nagbata he ni abi he abi; gu ni nangoka ngbadimo i aúra ha fu ni.

“Were gu ni nagia gi gimi apai re, ki mangi he, ni wiri gu boro tatamana nadua gani bambu auru mbia

Were agu apai dunduko oni akpi nyemu aboro nimangi he fu roni, oni nimángi kina ha fu yo a; bambiko gi nga rugute re na sangba anebi.

Bambiko gu ngbadimo na gu gene nangbe koyo du unga ni, si du ni pangipangi he, nifitikiri he, aboro nabi he ni kina umba yo.

“Oni rimi rogo pangipangi ngbadimo; bambiko gu ngbadimo na gu gene nangbe koyo du kpio ni, si du ni kikii he, ni basisi he, dungu aboro narima koyo.

Wa du oni tigaoni nga gbegberẽ aboro ki ini pa gama wene ahe fu awironi, Baroni du ngbangbaturũ yo ko susi na gama wene ahe fu agu yo nakpara fu ko te re?

“Ka oni sápu nga ngbanga boro ya, i ka sapa ngbanga roni a. Bambiko gu sapangbanga oni ka sapa ngbanga na ni, kina ha i ka sapa ngbanga roni na ni a; na gu moduka oni ka nduka he na ni, i andúka he na kina ha fu roni.

Ono gu ni nagia gi gimi apai re, ka ni amanga nga ha ya, ni wiri mumungo boro nadua gani bambu auru ngume

Tipagine mo nabi gu toni he du rogo bangiri wirinamo ti ni, ono mo ata ruga nga tiro na gu bakere he du kina rogo bangiro te? Mo awira pa ya fu wirinamo wãi, ‘Mi dí gu toni he du bangiro yo;’ wa du gu bakere he re kina bangiro yo?

“Oni bánda tironi be airazire anebi, naye fuo roni na kpoto akandoro, ono kpotoyo yo du wa awaru nari ngbara. Oni aína yo ti zuzuyo. Ka boro kati kakue ti kiwe na vurumo ti ngbangbari?

Kina wo wene ngua nazu wene rinde; ono gbegberẽ ngua nazu gbegberẽ rinde.

Ka wene ngua zu nga gbegberẽ rinde te, ka gbegberẽ ngua zu nga wene rinde te.

Agu angua dunduko azu nga wene rinde ya, i nidewe he adewa ki bafu he ku we yo.