Popular Bible Verses from Matayo 5

Share

Ka boro tigi nga baro ki moi he tii maduka yo te, ono ni nidua ha auru nguaha; si ki nihasi rago fu agu yo dunduko du dimo yo. Imaroni hasi rago ahasa ku bangiri aboro i bi gaoni ruruapai, ka taasa rimo Baroni du ngbangbaturũ yo.

“Ga zegino imarago nga oni. Gu bakporo dua yo ri bagangara ka i oko nga ha te.

“Aboro maku nga agu yo du ziazia kpotoyo yo, bambiko i abí Mbori.

“Aboro maku nga agu yo gomoro amanga yo na gomoro ime tipa rurupai, bambiko i ambíka.

Ono ya mi fu roni wẽ, Oni kpi nyemu avuraroni, ki kpari tipa agu yo narungosi roni

“Aboro maku nga agu yo ini he ya i du ni zezere yo, bambiko gu ngbi nga ga ngbangbaturũ nga gayo.

“Aboro maku nga aboro azarõ, bambiko i ayá ti yo awiri Mbori.

“Aboro maku nga agu yo narungo, bambiko i afú wasa fu yo.

“Aboro maku nga agu yo i arungosi yo tipa rurupai, bambiko gu ngbi nga ga ngbangbaturũ nga gayo.

“Aboro maku nga airahipai, bambiko i ahi pai fu yo.

“Maku fu roni ho aboro ka paa ni na oni, ki nirungosi roni, ki nigumba dungu apai kuti rimoroni ni wia tipa re. Oni sámbua tironi asambua, ki ningi angi; bambiko gaoni mosoro du ngbangbaturũ yo kii gbe: bambiko kina wo i amangi anebi nadu mbata fu roni.

“Aboro maku nga bayee aboro, bambiko i adú ni adikumbo zegino.

“Ga zegino tikpo nga oni; ono ka tikpo ahia nga ya, si ahia be gine? si angba nga tipa he wa sa te, kina ba ha aba i ki simbi he ni nduyo.

Were oni du ni ziazia roni, wa kina Baroni du ngbangbaturũ yo du ni ziazia ko.

Ono fugoroni du ni kina, ‘Ii, ii;’ na ‘Oó, oó’; gu ka susi gere kina gbegberẽ he nga ha.

“Oni agi he wa i agumba ha, ‘Bangirise ku ba bangirise, na rinde ku ba rinde.’ Ono ya mi fu roni wẽ, ka mo sáka nga be gu gbegberẽ ni ya. Ono gu ni ka nari ro ti pangbaro ku kumbabe, mo ki sa gu kura ha fu ni a.

Si ngia kumbabangiro ka mangi ro mo koto, mo mo ho amo, ki ba ha; bambiko ka gu paro kpi sa, si ngba ti ro ti ba yo bororo dunduko ku Geyena yo. Si ngia kumbabero ka mangi ro mo koto, mo yére he ayera, ki ba ha; bambiko ka gu paro kpi sa, si ngba ti ro, ti ndu bororo dunduko ku Geyena yo.