Popular Bible Verses from Matayo 24

Share

Gu nyemuse du ti agu yo ni dungu yo si azéra azera, bambiko ingapai amaa pai amaa. Ono gu ni nikaru ki da ho ragoho ka diga ni, ni abata abata.

Gi wene pangbanga nga ga ngbi re i atungusa ha rogo zegino dunduko mbiko ndika fu arikaaboro du; ragoho ki digi adiga.

Oni agia pa avura na serekpo avura; oni bi he ka si fudi nga roni ya; bambiko ka agi apai amánga re; ono digidaha ata da nga te.

Bambiko rika aboro azínga kuti gu rika aboro, ngbi ki zingi kuti gu ngbi; angbongi nikadu na abazigizo rogo agu arago. Ono tonatona rungo nga agi apai dunduko re.

Ngbangbaturũ ago ago na kpotosende, ono gimi apai ago nga te.

Bambiko dungu aboro nikaye ni rimore, ki ya, ‘Kristo nga mi’, i ki ingisi dungu aboro.

“I ki fuku roni sa gberãngbi; ki iimi roni. Rika aboro asóga roni asoga dunduko tipa rimore. Dungu aboro akóta akota ni gu rago re, i ki fuku akurayo ku be aboro, i ki sogo akurayo asoga. Dungu zire anebi nikakura, i ki ingisi dungu aboro.

Yesu ki karaga ha ki ya fu yo, “Oni bánda tironi ka boro ingisi nga roni wa sa ya.

Si du oni mbákadi tironi a tie; bambiko Wiri boro naye ti gu saa oni aberã nga pa ha ya.

Oni ngére tie, bambiko oni aina nga ni gu uru gaoni Gbia ka ye te.

“Ono boro aina nga gu uru na gu saa wa sa te re, amaraika ngbangbaturũ a te, Wiri a te, ono kina Ba sa.

Bambiko zire akristo akura, na zire anebi, i ki yuyugu bakere apai i aina pai ti ni, na iiriwo apai; si ya du wa ka i ingisi siasia aboro i ingisi yo.

Wa si adu rago Noa, wo pa ye Wiri boro nikadu. Bambiko, wa si adu ni gu rago naadu mbata fu ngirimo akangbi re, i aniri he nimbiri he, nirogo ade nifuku ade sa roga yo, ki da ti gu uru Noa arimi ni ku kurungba yo, ka i aina nga ha ya daho ngirimo akangbi aye ni ki nirogo yo dunduko ku sa yo; wo ye Wiri boro nikadu.