Popular Bible Verses from Matayo 19

Share

Yesu ki ta bi yo niya fu yo, “Ka boro mangi nga gi te re; ono ka Mbori mangi apai amanga dunduko.”

Si du i nadu nga ti ni ue berewe ya, i ki du adu sa. Were gu Mbori akpamia re ka boro kpara nga ha ya.”

Ko ki karaga ha ki ya, “Oni ageda nga ha te? ya gu ko namangi yo ho rago aenge ni ko amangi yo ni kumba na de, ki ya, ‘Bambiko si du boro nihe bani ti ni na nani, ki ka kuti diani; i ue i ki du wa boro sa’?

Ono Yesu ki ya, “Oni hé rukutu agude i ye fuo re, ka oni káraga nga yo ya; bambiko i wa kina agu yo du rogo gu ngbi nga ga ngbangbaturũ.”

Ono agu yo ni dungu yo du mbata yo i nikadu ku sa yo; agu yo du sa yo i ki du mbata yo.

Gu ni mbu abambu na awirinani, na adawirini, na bani, na nani, na awirini, na aati, tipa rimore, ni aróga ahe susi gu naadu mbata bara 100, ni ki di kumbo nyenye unga.

Yesu ki ya fu ko, “Ka mo kpi nyemu ka du ziazia, mo ndú, ki bagi agu ahe du be ro, ki gagamu he fu rungorungo aboro, mo akúmuko ngbangbaturũ yo; mo ki ye ka apeka re.”

Yesu ki ya fu ko, “Tipagine yambu mo re ti ni, ki ya, wene? A nga boro sa du ni wene ni te kina Mbori sa. Ono ka mo kpi nyemu rima ku rogo unga, mo ká kuti arugute.”

Ya mi fu roni berewe, si ipi fu kameri ka kura rogo yaro mbereke yo, ti rima kumukokumuko boro ku rogo ga Mbori ngbi.”

Ya mi fu roni wẽ, gu ni ka he diani tipa kura pai angia nga pa bari ya, ki di kura ri, ni namanga bari. Gu ni ka di gu de i nihe ri, ni namanga pa bari.”

Yesu ki ya fu gako abawiriki, “Ya mi fu roni ni rengo, kpakarakpakara pai nga ha fu gu ni kumuko akumuko ka rima ku rogo gu ngbi nga ga ngbangbaturũ.