Popular Bible Verses from Bambata Pai 32

Share

Ko ki ya, “I ayámba nga rimoro nga Yakoba berewe te, ono Yisaraere, bambiko mo ata kpata na Mbori na aboro a, ki di be yo.”

Kumba ki ya, “Mo ídi he mi gá, bambiko rago nagira.” Ono Yakoba ki ya, “Mi aída nga mo gá te, kina gu ka mo fú maku fere mbata.”

Yakoba ki du yo ni sa ko; kumba ki ta kpata na ko dati kina girarago.

Yakoba ki yambu rimo gu ba re nga Penuere, bambiko ko aya, “Mi bi kpakpu Mbori ni kina bangire, ki du ni ungare kindi.”

Ho ko abi he ni ya ko adia nga be Yakoba te, ko ki zadi gbungbuko. Gbungbu Yakoba ki wo, wa ko ata kpata na ko.

Ko ki ya fu ko, “Rimoro nga da?” Ko ki ya, “Yakoba.”

Yakoba ki sana ko, ki ya, “Mi nazungadi ro, mo yámbu nga rimoro fere.” Ono ko ki ya, “Mo nasana re tipa rimore tipagine?” Ko ki fu maku fu ko kina ho.

mi arengba nga na kina gu toni he dagba gamo ainapai dunduko na gu rengbe dunduko yugu mo ho fu ga moyambu te, bambiko mi asi gi Yaradene re na kina gi ngbondo be re; awere mi wa rimbasa aboro ue.

Si du awiri aYisaraere naari nga gu gbaga gbungbuse du ti mboso gbungbuse yo ti ni ya, daku awere, bambiko ko azadi gbungbu Yakoba ti gbaga mboso gbungbuko.

Yakoba ki ya, “Ako Mbori, nga ga buba Mbori nga Abarayama, nga ga buba Mbori a nga Yisaka, Ako Yekova, nga gu ko naaya fere, ‘Mo káraga tiro ku rogo gaoni ringara yo, fuo agumero, mi amánga pa ro wenengaĩ,’

Mi nakpara foro mo bátasi re be Esau nga unvuruami, bambiko mi nagunde agunde be ko, ko ka ye ka so vura na mi ka imo rani na naagude na agude.