Popular Bible Verses from Gate 7

Share

Yekova ki ya fu Mose, “Mo bí, mi sa ro wa Mbori fu Faro. Arona nga unvuruamo nikangia ga nebi.

Ono mi anyákasa kpoto Faro yo, ki ngeesi gimi yuguyuguapai, na gimi iiriwo yuguyuguapai rogo ringara Ezipeta, ono Faro adéga nga tuko sa sangbaro te; mi atáã bere ku ri Ezipeta, ki kusi gimi arimbasa aborovura nga awiri aYisaraere nga gimi aboro rogo gu ringara nga Ezipeta ni babakere mbusa.

AEzipeto ki ini he ya mi nga Yekova, ho mi ka táã bere ni ku ri Ezipeta, ka kusa awiri aYisaraere dagba yo.”

Faro ki yambu airatatamana na airasoroka; abinza nga ga Ezipeta yo ki mangi he a wo ni gayo birĩ. Bambiko i abafu gayo angbondo ku sande ni ba sa sa, si ki sa ti he ni awo, ono ga Arona ngbondo ki mbiri gayo angbondo.

Ya Yekova wẽ, “Be gere mo ka ina gu pai ti ni nga, Mi nga Yekova: mo ngére, mi anára ime Nire yo na gu ngbondo du be re, si ki sa tihe ni kure.

“Ho Faro ka ya ni fu roni, ‘Oni yúgu gaoni iiriwopai,’ mo ki ya fu Arona, ‘Mo di ga ngbondo, ki ba ha ku sande ku bara bangiri Faro, si sá tihe ni wo.’ ” AMose ki ndu na Arona koyo du Faro ni, ki mangi a wa Yekova arugu yo na ni; Arona ki ba gako ngbondo ku sande ku bara bangiri Faro na ku bara bangiri avuruko, si ki sa tihe ni wo.