Popular Bible Verses from Gate 20

Share

“Mi nga Yekova nga gamo Mbori, nga gu ko nakusi ro ringara Ezipeta yo, rogo kporo akanga. “Ka kura Mbori dú nga be ro fuo kina re ya.

“Ka mo mángi nga sese kpiahe ya, na kpia gu he du ngbangbaturũ ari vo, na gu du sende no, na gu du ime yo tii sende yo wa sa ya; ka mo anúgadi nga fu he ya, ka mo aírisa nga ha a ya; bambiko mi Yekova nga gamo Mbori nga iraringo Mbori. Mi nambusa awiri aboro ambusa tipa gu irairaapai nga ga abayo da kina ho rikayo ka du ni biata na biama nga agu yo nasoga re.

“Mo niírisi bamo na namo, ka ima aima gbe rogo gu ringara Yekova afu foro nga gamo Mbori.

“Mo nitíngidi pa rago, sabiti ka kpara ha ziazia.

“Ka mo yámbu nga rimo Yekova nga gamo Mbori gbua ya; bambiko Yekova ambú nga ha fu gu ni niyambu rimoko gbua te.

Mo nimángi ga sunge rame ki du sita, mo ki mangi ga sunge dunduko; ono saba rame nga rago sabiti fu Yekova nga gamo Mbori; ragoho ka mo amánga nga sunge wa sa ya, mo, na wiro, na gu wiro nga de, na ga moyambu, na ga nagbindi, gamo zogozogo anya, na gu kungba boro ka du kpuro yo

“Ka mo kpí nga ga kuaro kporo ya; ka mo kpí nga dia kuaro ya, na gani moyambu, na gani nagbindi, na gani babagara, na gani dongi, na agu ahe dunduko nga ga kuaro.”

“Ka mo gúmba nga zire kuti kuaro ya.

“Ka mo mángi nga bari ya.

“Ka mo ími nga boro ya.

“Ka mo dí nga he ya.