Popular Bible Verses from Gate 10

Share

Yekova ki ya fu Mose, “Mo ndú koyo du Faro ni; bambiko mi nyakasi kpotoko yo na kpoto gako amoyambu yo a, ya mi yúgu gimi yuguyuguapai dagba yo yo, mo agúmba ha fu awiro na fu atitaro waĩ mi amangi aEzipeto, na pa gimi yuguyuguapai mangi mi he ku dagba yo yo; ya oni ini he ya mi nga Yekova.”

Yekova ki ya fu Mose, “Mo táĩ bero ku ngbangbaturũ yo, bitimo ti ku ri ringara Ezipeta, ya aboro nigbata gene agbata rogo nanaga bitimo.” Si du Mose ki taĩ beko ku ngbangbaturũ yo. Nduunduu bitimo ki ti ku ri ringara Ezipeta dunduko tipa rame biata; ka i abi nga tiyo ya, a nga boro sa aguari bani tipa rame biata te. Ono awiri aYisaraere dunduko i adu na kina imarago kpuyo yo.

Mose ki taĩ gako ngbondo ku ri ringara Ezipeta, Yekova ki ye na yuge uroyo ku ri ringara ni gu uru re pitipiti, na ku yuru sasasa. Ho rago agiri ni wiso yuge uroyo ki ye na ayere Ayere ki sura kpotosende Ezipeta dũ, ki nye rogo ringara Ezipeta dunduko, wangu ra adu ni kere he ki susi agu ra i nabi ra, ka ayere adú nga wa ami berewe fuo ra a ya.