Popular Bible Verses from Amokedi 11

Share

Ho ko abi ko ni, i ki ye na ko ku Andiokia yo. Were i ki dungura tiyo na kanisa ti kina gu garã sa, ki niyugu pai fu dungu aboro; i ayambu gu rimo abawiriki nga Akristano mbata kina Andiokia yo.

Ko, ho ko ada ni, ki bi ga Mbori undahe, rago ki ngba angba ti ko. Ko ki ngarasi yo angarasa dunduko, ki ya i ká kuti Gbia ni nyaka kpotoyo yo; bambiko ruru boro nangia ko, ko ahi ahi be Ziazia Toro na idapase. I ki gedi dungu aboro fu Gbia.

Ka si du wa Mbori afu kina gu gamahe fu yo a ko afu fu rani, ho ani aidi pa Gbia ni Yesu Kristo, da ka ngia mi ka za Mbori?” Ho i agi agi apai ni re, i ki ongo aonga, ki taasi rimo Mbori, ki ya, “Mbori fu saberã sa unga fu aGendiria a tie.”