Popular Bible Verses from 1 AKorindo 13

Share

Nyemuse nahi pai ni gbanga ha, ki du na weneringise; nyemuse akpi nga he te; nyemuse aabia nga tihe te, azaraga nga tihe te. Si amanga nga gu pai angba nga ya te, agbata nga gaha pai te, si aerã nga te, si aberã nga gbegberẽpai kuti boro te.

si nambu pa apai dunduko, si du gaha idapase, na gaha maabangirise na gaha hi pa apai anyasa nga te.

Si angi nga mbiko irairapai te, ono si nangi mbiko rengo

Ono awere idapase du ho na maabangirise, na nyemuse; agi apai biata re; gu kii dagba ha nga nyemuse.

Nyemuse adiga nga te; ono si ngia gumba pai wa anebi du, si adiga adiga; si ngia ngbatunga afugo du, si anyása anyasa; si ngia inahe du, si adiga adiga.

Ka mi gumba pai ni agu afugo nga ga aboro na gu nga ga amaraika, nyemuse adu nga ti re ya, mi du wa kina sirigi napaa apaa, wa kina gu he nawo ruguzuruguzu.

Ka mi rengbe na gumba pai wa anebi, ki ini pa gbugbu apai dunduko na agu apai i aina ha dũ; ka mi du na idapase dunduko rengbe na gbisa abaagangara, nyemuse adu nga ti re ya, mi du nga ni he te.

Ka mi fuku gimi a ũkporo dunduko ka riga rungorungo aboro, ka mi fu kpotore i zo ho azo, nyemuse adu nga ti re ya, si du nga ni he fere te.

Ho mi adu ni ni gude mi agumba pai wa gude, mi ki niberẽ pai wa gude. Awere wa du mi ni kumba, mi mbu agu apai nga ga agude.