Popular Bible Verses from Matayo 5

Share

Hakuna mutu anayewakisha taa na kuiweka chini ya kitunga, lakini anaiweka juu ya kinara kusudi iwaangazie wote wanaokuwa ndani ya nyumba. Vilevile, mwangaza wenu unapaswa kuangaza mbele ya watu, kusudi waone matendo yenu mazuri, nao wamutukuze Baba yenu anayekuwa mbinguni.

“Ninyi ni kama mwangaza katika dunia. Muji unaojengwa juu ya mulima hauwezi kufichama.

Heri wale wanaokuwa na moyo safi, maana watamwona Mungu!

Heri wale wanaokuwa na njaa na kiu ya kufanya yanayokuwa haki, maana watashibishwa!

Lakini mimi ninawaambia: muwapende waadui zenu na muwaombee wale wanaowatesa.

“Heri wale wanaokuwa wamasikini wa roho, maana Ufalme wa mbinguni ni kwao!

Heri wale wanaoleta amani, maana wataitwa watoto wa Mungu!

Heri wale wanaokuwa na huzuni, maana Mungu atawafariji!

Heri wale wanaoteswa kwa ajili ya haki, maana Ufalme wa mbinguni ni kwao!

Heri wale wanaokuwa na huruma, maana Mungu atawahurumia!

“Heri ninyi, wakati watu wanapowatukana na kuwatesa na kuwasingizia kila namna ya ubaya kwa sababu yangu. Mufurahi na kushangilia, kwa sababu munawekewa zawadi kubwa mbinguni. Ni hivi walivyowatesa manabii walioishi mbele yenu.

Heri wale wanaokuwa wapole, maana watarizi dunia!

“Ninyi ni kama chumvi kwa watu wote. Lakini kama chumvi ikipoteza onjo lake, itatiwa nini ipate tena kukolea? Haifai tena hata kidogo, inabakilia kutupwa na kukanyagwa na watu.

Basi mukuwe wakamilifu, kama vile Baba yenu wa mbinguni anavyokuwa mukamilifu.

Lakini munaposema, museme tu: ‘Ndiyo,’ au ‘Hapana,’ kwa maana maneno yanayosemwa zaidi ya hayo yanatoka kwa yule mwovu Shetani.

“Mumesikia kwamba imesemwa hivi: ‘Jicho kwa jicho, na jino kwa jino.’ Lakini mimi ninawaambia: musirudishe mabaya kwa mabaya. Kama mutu akikupiga kofi kwa shavu la kuume, umugeuzie shavu la kushoto vilevile.

Basi kama jicho lako la kuume likikukosesha, uliongoe na kulitupa mbali. Ni heri kwako kupoteza kiungo chako kimoja kuliko mwili wako wote muzima kutupwa katika jehenamu. Na kama mukono wako wa kuume ukikukosesha, uukate na kuutupa mbali. Ni heri kwako kupoteza kiungo chako kimoja kuliko mwili wako wote muzima kutupwa katika jehenamu.