Popular Bible Verses from Buakabuluibua 6

Share

Nakatangila, ne mona, kabalu ka tshitoketoke; ne dina dia wakadi ushikama ha nyima haku diakadi Lufu; ne Muaba wa Bafue wakalonda ku nyima kuandi. Ne bakabaha bukokeshi ha mutu ha tshituha tshinai tshia ba ha buloba, bua kubashiha ne muele wa nvita, ne tshiole, ne lufu, ne kudi nyama ya luonji ya ha buloba.

Nakatangila ne, mona, kabalu katoke, ne wakadi ushikama ha nyima haku wakadi ne buta, ne bakamuhesha tshifulu tshia butumbi; ne wakahatuka, muikale mutambi, ne bua kutambeye bakuabo bukole.

Hakalamuneye tshimanyishilu tshitanu, nakatangila munshi mua tshioshelu mioyo ya bantu bakashihibua bua dî dia Nzambi, ne bua bumanyishi buakadibo nʼabu

ne bakadila ne dî dikole, bamba ne, O Mukelenge wa tshijila ne mulelela, udi windisha musangu bule munyi bua kulumbuluisha ne bua kutusombuela bua mashi etu kudi badi bikala ha buloba? Bakabahesha, muntu ne muntu, diyeka ditoke; ne bakabambila bua kuanza kuikisha tshituha tshihi tô ne hakumbashibua bahika nʼabo, ne bana babo ba mu Kilisto, badi balua kushihibua bu bobo.

Ne kabalu kakuabo kakaluhuka, kabalu kakunze mene; ne bakamuha yeye wakadi ushikama ha nyima haku bukole bua kumusheye ditalala ha buloba, ne bua bantu bashihangane; ne bakamuhesha muele wa nvita munene.

bualu bua dituku dinene dia tshishi tshiabo diakulua, ne nganyi udi mua kushindama?

Nakatangila hakalamuneye tshimanyishilu tshisambombo, ne dikanka dinene dia buloba diakadiku; ne diba diakalua difike bu mudi tshilulu tshifike tshia miosa; ne ngondo mujima wakalua bu mashi; ne mitoto ya mu diulu yakahona hanshi ha buloba, bu mudi mutshi wa nfigi uhôka nfigi yau mibishi, haunyungushabo kudi tshihehele tshikole.

Hakalamuneye tshimanyishilu tshisatu, nakunvua tshifukibue tshisatu tshidi ne muoyo tshiamba ne, Lua. Nakatangila, ne mona, kabalu kafike; ne wakadi ushikama ha nyima haku wakadi ne tshiamu tshia kuidikisha nʼatshi bujitu mu tshianza tshiandi. Nakunvua dî bu dia munkatshi mua bifukibue binai bidi ne muoyo diamba ne, Uhane tshihikilu tshikese tshia bié ku ndenalio, ne bihikilu bikese bisatu bia seola ku ndenalio; ne kunyangi manyi ne nvinyo.

Ne diulu diakûmushibua ku mukanda muvunga hauvungabo; ne mukuna munene wonso, ne tshisanga tshionso biakumushibua ha miaba yabi. Ne bakelenge ba ha buloba ne bakelenge bana ne tupitene tunene tua masalayi, ne babanshi, ne bakole, ne muhika yonso, ne mudishikamine yonso, bakadisokoka mu nyongolo ne mu mabue a mikuna minene.