Popular Bible Verses from Matayo 5

Share

Bantu kabatu batemesha muinda bua kûbuesha munshi mua mushete, batu bauteka ha mesa a muinda, utemene bantu bonso mu nsubu. Nunku munya wenu uteme ku mesu kua bantu, bamone midimu yenu mimpe, batumbishe kabidi Tatu wenu udi mu diulu.

Nuenu nudi munya wa buloba. Kabena bamanye mua kusokoka musoko udi muasa ha mukuna.

Badi ne mitshima mitoke badi ne disanka, bua bobo nebamone Nzambi.

Badi ne nsala ne nyota ya buakane badi ne disanka bua bobo nebûkute.

kadi meme ndi nuambila ne, Suai badi nʼenu lukuna, lombelai badi banukengesha Nzambi

Badi bahele mu mitshima yabo badi ne disanka, bua bukelenge bua mu diulu budi buabo.

Basungi ba bantu badi ne disanka, bua nebabidike ne, Bana ba Nzambi.

Badi badila badi ne disanka, bua bobo nebasambibue.

Bakakengeshibua bua buakane buabo badi ne disanka, bua bukelenge bua mu diulu budi buabo.

Badi ne luse badi ne disanka, bua bantu bakuabo nebabafue luse.

Hanuhendabo ne hanukengeshabo ne hanushiminyinabo mashimi onso, bua bualu buanyi, nenuikale ne disanka. Nusanke, nuikale ne disanka dingi, bualu bua difutu dienu didi mu diulu ndinene; bakakengesha baprofete nunku bakadi ku mpala kuenu.

Badi ne mitshima mihuekela badi ne disanka, bua bobo nebahiane buloba.

Nuenu nudi lueho lua buloba; hatshihala lueho kutua kualu, nebalutuishe kabidi ne tshinyi? Ludi tshianana, nebaluimashe, nebaludiate mu makasa.

Nunku nuenu nenuikale bakane bu mudi Tatu wenu wa mu diulu muakane.

Nuikale ne dî ne, E, E, anyi Nasha, Nasha. Dî ditentekesha ha mutu didi difuma kudi bualu bubi.

Nuakunyua dî diakambabo ne, Disu ku disu, dinu ku dinu. Kadi meme udi nuambila ne, Kanuluanganyi ne muntu mubi; biakukuma muntu dihi ku ditama dia ku tshianza tshia balume, umuandamuine dia ku bakashi kabidi.

Bikala disu diebe dia ku tshianza tshia balume dikulenduisha, wadiula, wadimasha; bualu bua kujimisha tshintu tshimue tshia mubidi webe kudi kutamba kuedibua kua mubidi webe wonso mu Ngena. Biakulenduisha tshianza tshiebe tshia balume, watshikosa, watshimasha, bualu bua kujimisha tshintu tshimue tshia mubidi webe kudi kutamba kuya kua mubidi wonso mu Ngena.