Popular Bible Verses from Yakobo 1

Share

Bana betu, nububale bu disanka dionso hanuahona mu mateta a mishindu ya bungi; bualu bua nudi bamanye ne diteta dia ditabusha dienu didi dienzesha ditantamana.

Kadi biahanga mukuabo wenu meshi, âlombe kudi Nzambi udi uha bonso ne mutshima mutoke kai ubatobolola; neamuhebue.

Bana betu bananga, mimanye bienu bualu ebu. Muntu yonso unvue biandi lubilu, atukishe kai muanze kuakula, kakuatshi tshishi lubilu

Ditantamana dikale ne mudimu wadi muimpe tshishiki, bua nuenu nuikale bakane tshishiki, bakumbane mu malu onso, kanui nuhanga mu bualu bumue.

Kadi nuikale benji ba di, kanuikadi anu bunvui badi, bua nunku nudi nudidinga.

Muntu udi utantamana mu mateyi udi ne disanka; bualu bua hakamanabo kumujadika, neangate tshifulu tshia butumbi tshia muoyo tshiakalaya Mukelenge badi bamunanga.

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.

Bualu bua bikala muntu munvui wa dî, kai muenji wadi, yeye udi bu muntu udi utangila mpala wandi mene mu ludimuenu; bua yeye udi uditangila, udi uya biandi, udi uhua muoyo lukasa bua mushindu wakadiye.

Bualu bua Nzambi bua bushua ne budi kabui bunyanguka ku mesu kua Nzambi Tatu budi nunku, bua kuya kutangila bana ba nshîa ne bakashi ba mu lufuila mu dikenga diabo, ne bua kudilama kai ne ditoba dia ku malu a ha buloba.

Muntu kambi biandi bamuteyabo ne, Ndi muteyibue kudi Nzambi; bualu bua Nzambi kena mumanye mua kuteyibua ne malu mabi, ne yeye muine kena uteya muntu; kudi muntu yonso udi uteyibua kudi lukuka luandi bamukokalu ne hamulobeshalu.

Muanʼetu wa mu Kilisto udi muhuekele atumbile mu dibandishibua diandi