Popular Bible Verses from Ebelu 11

Share

Ditabusha didi dimanya dia malu atudi tutekemena ne didi dijadika dia malu atudi katui bamone. Bua muanda wadi bakulu bakadi ne bualu buabo buambibua.

Ne bikalaku kakui ditabusha, muntu kena mua kumusankisha; bualu bua muntu udi ulua kudi Nzambi budiye nʼabu mbua kuitabusha ne, Yeye udiku, ne udi mufutshi wa badi bamukeba.

Bua ditabusha tudi tujingulula ne buloba buakalongolodibua ku dî dia Nzambi, bua nunku bitudi tumona ku mesu kabiakufukibua ku bintu bidi bimueneka ku mesu.

Bua ditabusha Abalahama, hakabikidibueye wakatumikila bua kuyeye ku muaba wakadiye wamba kuangata bu buhianyi; wakaluhuka, kai mumanye kuakadiye uya. Bua ditabusha wakashikama mu buloba bua mulayi; bu adi ma buloba bua bende, wakashikama biandi mu nsubu wa bilulu, ne Isaka ne Yakoba, bahianyi nʼandi ba mulayi muomumue

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Bua ditabusha Hanoka wakumushibua ha buloba, wakatekibua ma diulu bua yeye katangidi lufu, ne kabakamusangana bualu bua Nzambi wakamuteka ma diulu; bualu bua ku mpala kua diumushibua diandi wakadi ne bualu buandi buambibua ne, Yeye wakasankisha Nzambi.

Bua ditabusha Ebele wakafila kudi Nzambi mulambu muhite wa Kana buimpe, bua bualu buau yeye wakadi ne bualu buandi buambibua ne, Yeye wakadi muakane, Nzambi wamba bua kuha kuandi, ne bua bualu buaku yeye mufue utshidi wakula.

Bua ditabusha Sala muine kabidi wakangata bukole bua kuimiteye difu bidimu bia lulelu bimane kuhita, bualu bua wakabala wakamulaya dî edi ne, Udi wa kueyemenyibua.

bualu bua wakatekemena musoko udi ne bishimikidi, mulongolodi wau ne muibaki wau nNzambi.

Bua ditabusha Mose, hakakoleye, wakahidia kubikidibua muana wa muana mukashi wa Palô; musungula kukengeshibua hamue ne bantu ba Nzambi ku mpala kua masanka a malu mabi a tshituha tshihi; ubala bihendu bidi bua Kilisto bu bubanshi bunene buhita bibutshidibue bia mu Ejipitu, bualu bua wakatangila tô ne ku dihingishila dia difutu. Bua ditabusha wakumuka mu Ejipitu kai utshina tshishi tshia mukelenge; bua yeye wakatantamana bu muakadiye utangila yeye udi kai umueneka ku mesu.

Bua ditabusha Abalahama, hakamutetabo, wakafila Isaka bu mulambu; yeye wakamana kuitabusha milayi ne disanka, wakadi ufila muanʼandi umuehele mulela

Bua ditabusha Lahaba, mukashi wa masandi, kakashihibua ne bakadi ne buhidia, bualu bua wakabuesha batentekedi mu nsubu ne ditalala.

Bua ditabusha bakahita mu Mai Manene Makunze bu mudi ha buloba bume; hakateta Bena Ejipitu kuenza nunku, bakaminyibua mu mai.

Bua ditabusha ngumbu ya Yeleko yakashimbuka hakamanabo kuinyunguluka matuku muanda mutekete.

Bua ditabusha yeye wakuenza kuhita kua Yehowa, ne kumiamina kua mashi, bua mushihi wa banʼa bute kabalengi.

Bua ditabusha Yosefe, hakalua lufu luandi ha buihi, wakamba bua dihatuka dia bana ba Isalele, wakela mukenshi kabidi bua bualu bua mifuba yandi.

Bua ditabusha Yakoba, hakadiye wamba kufua, wakasankisha muana ne muana ba Yosefe ne wakatendelela mueyemene ha dikombo diandi.

Bua ditabusha Isaka wakasankisha Yakoba ne Esau bua malu adi kâi manze kulua.