Popular Bible Verses from Genese 24

Share

Yeye wakamba ne, Yehowa, Nzambi wa mukelenge wanyi Abalahama, ndi nkulomba ne, Ungendeshe dikasa dimpe lelu, ufuile mukelenge wanyi Abalahama luse.

witabushe ne nsongakashi undi ngambila ne, Ndi nkutendekena ne, Utule mulondo webe wa mai, umpe mai a kunua, yeye angandamune di ne, Nua biebe, nennuishe tumelo biebe kabidi, nunku yeye mene ikale mukashi uwakasunguila muntu webe Isaka, nunku nemmanye ne wewe wakufuila mukelenge wanyi luse.

Isaka wakalua nʼandi mu ntenta wa mamu wandi, Sala, yeye wakangata Lebeka, wakalua mukashi wandi Isaka wakamunanga, ne mutshima wandi wakasambibua bua lufu lua mamu wandi.

Bakavudishila Lebeka disanka, bakamuambila ne, Wewe muanʼetu mukashi, wikale nkambua mukashi wa binunu bia mbombo ya bantu, ne tunkanunuina tuebe tuhiane buloba bua bantu badi nʼatu lukuna.

nenkutshihishe kudi Yehowa, Nzambi wa diulu ne wa buloba, ne wewe kuangatshidi muanʼanyi mulume mukashi wa bana bakashi ba Bena Kanâna babidi bashikame nʼabo, kadi uye biebe kuanyi, kudi bana betu, wangatshile muanʼanyi Isaka mukashi.