Popular Bible Verses from Efeso 5

Share

Nunku mudihishe kuenza mudi Nzambi wenza, bu bana bandi bananga. Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Nunku nudimuke bienu bu munudi nuenda; kanuendi bu badi kabai ne meshi, kadi nuende bu bena meshi; nudisumbile tshikondo batshiditshiku tshia kuenzamu malu mimpe, bualu bua matuku adi mabi.

Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe. Nusombeshangane ne misambu ya bena kuitabusha ba bale ne ya bena Kilisto ne ya Nyuma; nuimbile Mukelenge misambu, numutumbishe ne biombelu bia mitshima yenu. Misangu yonso nusakidile Nzambi Tatu bua bintu bionso mu dina dia Mukelenge wetu Yesu Kilisto.

Nunku kanuikadi bu bahote, kadi nujingulule mudi disua dia Mukelenge.

Balume, suai bakashi benu bu muakasua Kilisto ekelesia kabidi, wakadifila bua bualu buandi

Diambedi nuakadi midima, kadi katataka nudi munya mu Mukelenge; endai bienu bu bana ba munya

Nukokelangane mu ditshina dia Kilisto.

Bakashi, nukokele babayenu bu munudi nukokela Mukelenge.

Kadi nuenu kabidi, mulume ne mulume, anange mukashi wandi bu mudiye udi nanga; ne mukashi anemeke bayandi.

Bua muanda eu muntu nealekele tatu wandi ne mamu wandi, nealamate mukashi wandi, bubidi buabo nebalue mubidi umue.

Kanuikadi ne buobumue ne midimu mienza mu midima idi kayi ikuama mamuma mimpe; kadi nubatuishe bua mianda ei.