Popular Bible Verses from 1 Tesalonike 5

Share

Nusanke misangu yonso; nuikale nutendelelatendelele; mu malu onso nusakidile Nzambi, bua edi ndisua dia Nzambi mu Kilisto Yesu bua bualu buenu.

Nzambi wa ditalala nkayandi anujidile tshishiki; ne nyuma yenu ne misûke yenu ne mibidi yenu ilamibue mu buakane buonso, kanui ne kudiu, mu dilu? dia Mukelenge wetu Yesu Kilisto. Yeye udi unubikila udi mua kueyemenyibua, yeye kabidi nênze buala budiye munubikidile.

Numone ne muntu kahingishidi mukuabo bubi ku bubi buandi; kadi misangu yonso nulondelangane malu adi mimpe muntu ne muntu, ne kudi bonso.

Nunku nusambangane, nudiundishangane muntu ne muntu, bu munudi nuenza kabidi.

Bana betu, tudi tunusengelela ne, Nudimushe batshimbakanyi, nukoleshe badi ne mitshima yamba kuhanga, nukuatshishe badi batekete, nuikale ne lutulu kudi bantu bonso.

Bualu bua Nzambi kakatusungula bua kutulekela tshishi, kadi bua tuetu kuheta luhandu bualu bua Mukelenge wetu Yesu Kilisto

bua buonso buenu nudi bana ba munya ne bana ba dituku, katuena ba butuku anyi ba midima.