Popular Bible Verses from Matayi 5

Share

Kabena batemesha muendu bua kuubuikila mu kapanza. Kadi badi bauteka pa tshitekelu tshiawu, bua ukenkele bantu bonsu badi mu nzubu. Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

— Nuenu nudi butoke budi bukenkela bantu pa buloba. Kabena mua kusokoka tshimenga tshiasa pa mukuna.

Bantu badi ne muoyi munonoke, ke bena diakalenga, bualu nebamone Mvidi Mukulu!

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

— Bantu badi batekemena amu kudi Mvidi Mukulu, ke bena diakalenga, bualu nebikale nende mu Bukalenga bua mu diulu!

Bantu badi basombesha bantu nabu mu bupole, ke bena diakalenga, bualu Mvidi Mukulu neabinyike ne: mbana banyi!

Bantu badi banyingalala, ke bena diakalenga, bualu Mvidi Mukulu neabasambe!

Bantu badibu bakengesha bua padibu benza tshidi Mvidi Mukulu musue, ke bena diakalenga, bualu Bukalenga bua mu diulu budi buabu!

Bantu badi bafuila bakuabu luse, ke bena diakalenga, bualu Mvidi Mukulu neabafuile luse!

Padi bantu banupenda, banukengesha, nansha babenga bionsu binudi nuenza, amu bualu nudi balongi banyi, nudi bena diakalenga. Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Bantu badi ne bupole, ke bena diakalenga, bualu nebapiane buloba buvua Mvidi Mukulu mubalaye!

— Bu mudi luepu mu biseki, ke munudi nuenu mu bantu. Kadi pikala luepu lutshipale, tshidi mua kulutuisha kabidi ntshinyi? Kaluena ne diambuluisha kabidi to. Badi baluimansha, bantu baludiata.

Nuikale bantu balenga tshishiki, bu mu Tatu wenu udi mu diulu mulenga tshishiki.

Nuikale nuitaba amu ne: “eyowa”, nansha nubenga ne: “to.” Bionsu binudi nusakidila bidi bifuma kudi Muena bubi.

— Nudi bamanye muvuabu bambe ne: “Disu dipitakane ne disu, dinu dipitakane ne dinu.” Kadi meme ndi nnukandika ne: kanusombuedi muntu udi unuenzela bibi. Padi muntu ukukuma dipi ku ditama dia balume, umuandamuine kabidi ditama dia bakaji.

Pikala disu diebe dia ku dia balume dikufikisha ku bubi, uditonkone, udimanshe kule. Bualu mbimpe kujimija tshitupa tshimue tshia mubidi webe, pa mutu pa kuelabu mubidi webe mujima mu kandondu. Pikala tshianza tshiebe tshia ku dia balume tshikufikisha ku bubi, utshikose, utshimanshe kule. Bualu mbimpe kujimija tshitupa tshimue tshia mubidi webe, pa mutu pa wewe kubuela mu kandondu ne mubidi webe mujima.