Popular Bible Verses from Tshibangidilu 49

Share

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Yozefe udi bu mutshi udi udiunda bimpe, utoloka ku mpokolu wa mayi. Matamba awu adi alepa, apita bimana bia nzubu. Baluishi badi bamukengesha bikole, bamuela miketa, bamutatshisha.

Kadi Yozefe udi ukuata buta bikole. Maboku ende ne bianza kabiena bipungila. Udi umukolesha ke Mvidi Mukulu wa Yakobe, muena bukole buonsu, Mulami wa bena Izrayele, dibue didibu beyemina. Mvidi Mukulu wa tatuebe udi ukuambuluisha. Mvidi Mukulu wa bukole buonsu udi ukuela lupemba. Neakupeteshe bintu bimpe padi mvula uloka. Akupeteshe mayi adi apatuka munda mua buloba. Ulele bana ba bungi, bimuna biebe bivulangane.

Yuda, bana benu nebakutumbishe, Neufyekele bena lukuna bebe mu nshingu. Bana benu, nansha ba tatu mene, nebakukukuile. Yuda, muananyi, udi bu muana wa ntambue. Udi ushipa nyama, upingana muaba uvuaye mulale. Ntambue udi utua tshiadi panshi, ulala. Kakuena udi mua kumujula ku bukole.

Wewe Rubene, udi muananyi, muanabute, udi mashi anyi a kumpala. Udi muana undi mulele, pantshivua ne dikanda dionsu. Lumu luebe ne bukole buebe, nebipite bia bana benu bonsu. Kadi wewe udi bu mukulu muindila, kulua kuditapa nsesu. Kuena muanabute kabidi to. Bualu kuvua munnemeke to. Uvua mubuelele mukajanyi mukuabu mu nzubu.