Popular Bible Verses from Tshimuangi 7

Share

Maweja-Nangila kuambila Moshe ne: — Wewe newikale bu Mvidi Mukulu ku mesu kua mukalenga wa bena Ejipitu. Muanenu Arone neakuenzele mudimu wa buambi.

Kadi meme nempeshe mukalenga wa bena Ejipitu muoyi wa tshitunu. Nengenze malu a dikema mavule mu ditunga diende. Kadi kakuitaba to. Nanku nemmuenzeje malu ku bukole. Nemmunyoke, bua mmone mua kupatula tshisamba tshianyi tshia bena Izrayele balondangane bimpe mu bisamba biabu mu ditunga diende.

Bena Ejipitu nebajadike ne: Meme ndi Maweja-Nangila, bualu nembenzeje ku bukole bua balekele bena Izrayele baye.

Mukalenga wa bena Ejipitu kubikila bena meji ne benji ba bilengulengu ne majimbu ba mu Ejipitu. Kuenzabu pabu tshishima atshi. Muntu yonsu kuela dikombu diende panshi. Kuandamukadi nyoka. Kadi dikombu dia Arone kumina makombu abu onsu.

Nanku Maweja-Nangila udi wamba ne: Mpindiewu neujadike bukole buanyi! Ndi ntuuta dikombu edi pa musulu wa Nile, bua mayi onsu andamuke mashi.

— Pikala mukalenga wa bena Ejipitu ujinga bua numuenzele bishima, wewe Moshe wambile Arone ne: ela dikombu diebe panshi. Nanku nediandamuke nyoka, mukalenga awu mumone. Moshe ne Arone kuya kudi mukalenga wa bena Ejipitu, kuenza muvua Maweja-Nangila muambe. Arone kuela dikombu panshi, mukalenga ne bantu batangile. Dikombu kuandamuka nyoka.