Popular Bible Verses from Tshimuangi 5

Share

Malu onsu aa mamane kupita, Moshe ne Arone kuambila mukalenga wa bena Ejipitu ne: — Maweja-Nangila Mvidi Mukulu wa bena Izrayele udi wamba ne: “Ulekele bantu banyi, baye kuenza tshibilu mu tshipela bua kuntendelela.”

Katshia mfika kudi mukalenga wa bena Ejipitu bua kumuambila malu mu dina diebe, udi amu ukengesha bena Izrayele bikole. Wewe udi anu mupuwe, kuyi ubasungila!

Moshe kupingana kudi Maweja-Nangila, umuebeja ne: — Maweja-Nangila wanyi, udi mukengeshe bantu aba bua tshinyi? Wakututuma kudibu bua tshinyi?

Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

Kadi kanukepeshi mudimu wabu. Benze madiotu anu bungi bua tshibidilu, bualu mbena lulengu. Ke padibu bandomba bua kuya kulambula Mvidi Mukulu wabu milambu. Nubenzeje mudimu mukole, bua bapange mua kuteleja meyi a bena dishima.