Popular Bible Verses from Tshimuangi 2

Share

Mvidi Mukulu kumvua mikemu yabu, kuvuluka ndondu uvuaye mutue ne Abrahame, Izake ne Yakobe. Kumonaye bena Izrayele, kujadikaye dikenga divuabu nadi.

Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Muana mumane kukola, mamuende kumupingaja kudi muana wa mukalenga. Awu kumuangata bu muanende, kumuinyika dina ne: — Diende mMoshe, bualu ndi mumupatule mu mayi.

Muana wa mukalenga kuambila mamu awu ne: — Angata muana ewu, umunkoleshile. Meme nenkufute. Mukaji kuangata muana bua kumuamusha.

Ke muana wa bakaji wa mukalenga wa bena Ejipitu kupueka bua kuowa mayi. Bena mudimu bende bakaji bavua bendakana ku muelelu wa mayi aku. Diakamue muana wa bakaji wa mukalenga kumona tshisaka mu malenga, kubikila nsongakaji muena mudimu wende, bua kumuambuilaye tshisaka atshi mu mayi.

Moshe mumane kukola, kuyaye bua kumonangana ne bana babu. Kusanganaye bakengesha bana babu ne midimu mipite bukole. Diakamue kumonaye muena Ejipitu utuuta muanabu wa bena Ebrewu. Moshe kuimana, kukenzakana nseke yonsu. Kena mumone muntu mukuabu to. Nanku kushipaye muena Ejipitu, kumujibikila mu lusenga.