Popular Bible Verses from Tshimuangi 15

Share

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Wewe kupikula bantu bebe! Wewe kubananga, kubalombola ne bukole! Wewe kubafikisha mu ditunga dia tshijila!

Kufikabu ku Mara. Kabavua mua kunua mayi avua muaba awu, bualu avua ne bululu. Ke pavuabu babikila muaba awu ne: Mara (mmumue ne: a bululu). Bena Izrayele kunungana, bakonka Moshe ne: “Netunue tshinyi?” Moshe kusengelela Maweja-Nangila. Maweja-Nangila kumuleja tshitupa tshia mutshi. Moshe kutshiela mu mayi. Bululu mu mayi kujika. Ke muaba uvua Maweja-Nangila mupeshe bena Izrayele meyi ne mikenji biende, mubatete kabidi.