Popular Bible Verses from Marko 6

Share

Man ewacu igi kumae, Wun giwu wubin cen ka ma ngele, wuyom tundu. Kum dupa gicikubino gicidho de, e kinde moko mbe igi kadok ma gicam ie cam de.

E Yesu wacu igi kumae, Jabila bedo umbe yung ungo ento i ng’om thugi ma dhe re, man i kind jupagi, kud i ot pare bende ma dhe.

Eai woko eneno udul dhanu ma dit de, e ngisi nege i kumgi, kum gibedo calu rombe ma jakwac migi mbe: man emaku ponjogi ku gin dupa.

Man tic ma mi tego copo timbre ire ngo keca, ento eketho cinge kum weg tho ma lam, man ekeyo kumgi. E ie wang’ lii kum yioyic migi m’umbe. Man etieko pacu gbur ku ponji.

Man eting’o lungu kwen abic ku rec ario de, e eneno malu i polo, emio mugisa, man eng’weko i kwen de; emio ni julub giketh i wang’gi; rec ario de epoko i kindgi ceke. E kagi ceke gicamu, giyeng’ de. Gikwanyu kodine, upong’o katoko apar wi ario, ku mi rec bende.