Popular Bible Verses from Matayo 24

Share

Kum camuco de bimedre, mer mi dhanu dupa de bidoko ng’ic. Ento ng’atu ma biciro cil i kajikne, ng’atuno biboth.

Man lembanyong’a maeni mi ker jubiyero i ng’om ngung’ ni lembatuca ni thek ceke; e kajik bilund wok.

Man wubiwinjo pir ali ku rwong ali de; wunen nia cwinywu kud ung’abre: kum gin maeni bikotimbre be; ento nwang’u kajikne fodi.

Kum thek bijai kum thek, ker de ni ker; ndru de bipodho ku digidi i ka ma nge nge. Ento gin maeni ceke en e landu wi can.

Polo ku ng’om bikadhu woko, ento lembe para bikadhu woko ngo.

Kum dupa bibino i nyinga, ma gibiwacu kumae, An a Kristu; man gibiwingo dhanu dupa.

E gibilund miowu ni masendi, man gibinegowu: thek ceke de bidaguwu kum nyinga. Dhanu dupa de bilund kier, gibimiri de, man gibidagri. Jubila mi ndra de dupa gibiwok, man gibiwingo dupa.

Man Yesu loko lembe ewacu igi kumae, Wukuru kara ng’atu moko kud uwingwu.

Ka kumeno wun bende wubed ayika; kum Wod dhanu bino i saa ma wuwacu nyo ngo.

Ka kumeno wuki: kum wung’eyo ngo ceng’ ma Rwoth mu bino i ie.

Ento ceng’ nino ku saane de ng’atu moko mbe m’ung’eyo pire, cil ku malaika m’i polo de, kadok Wod, ento Wego kende.

Kum ju ma gi Kristu mi ndra gibiwok, man jubila mi ndra de, man gibinyutho giranyutha ma dit ku musana; kara giwing ko cil ju ma jugoyo wigi de, tek ecopre.

Man ke calu yang’ ceng’ pa Noa bedo, e bino pa Wod dhanu de bibedo kumeca. Kum calu i ceng’ maeca ma fodi pi ma dit m’uumo ng’om kuwok ungo gibecamu gibemadhd de, gibegambri gibemio de ya jugam, cil i ceng’ ma Noa mondo ko i avur, e ging’eyo ngo maram pi ma dit m’uumo ng’om uwok ko, man eterogi ceke woko, e bino pa Wod dhanu bibedo kumeca.