Popular Bible Verses from Mark 9

Share

Na Jesus see no dɛ, Sɛ ibotum a! Nyia ɔgye dzi no, ndzɛmba nyina botum ayɛ hɔ ama no.

Na ntsɛmara abofra no n’egya tseaa mu see dɛ, Megye midzi: boa me wɔ m’ekyingye gye ho.

Na Jesus baa fie no, n’esuafo no bisaa no nsumaa mu dɛ, Ebɛnadze ntsi na yeenntum enntu no yi? Na ɔsee hɔn dɛ, Iyi ne saso nntum nndua biribiara do mmpue gyedɛ mpaabɔ [na akɔnkyen] do.

Nkyen ye: na sɛ nkyen ayew dza ɔma ɔyɛ nkyen mapa a, hom dze ebɛnadze bɔto mu? Hom nnya nkyen wɔ homara hom mu, na hom nye homho homho ntsena asomdwee mu.

Obiara a ɔbɛgye dɛm mbofraba yi mu baako wɔ me dzin mu no, ɔgye emi mara, na obiara a ɔgye me no, nnyɛ emi na ɔgye, na nyia ɔsomaa me no a.

Na obiara a ɔbɛma hom nsu kɔɔpow ma hom aanom wɔ me dzin mu, dɛ hom yɛ Kraest dze ntsi no, nokwar mese hom dɛ ɔnnkɛyew n’akatua.

Na obiara a ɔbɔto nkakraba a wɔgye me dzi yi mu baako fintsidua no, oye ma no dɛ wɔdze ewuyambo kɛse sɛn no kɔn mu na wɔdze no kɔto po mu.

Na sɛ w’enyiwa na ɔto wo fintsidua a, tu: oye ma wo dɛ edze enyi kor bɔkɔ Nyankopɔn n’ahenman mu kyɛn dɛ ewɔ enyiwa ebien na wɔdze wo bɔkɔto amandzehu kurow mu